د ولايتي شوراګانو ټاکنې

غزني (پژواک ٢٩ ليندۍ ٩٠): د غزني ولايت د پرمختيايي پروژو لپاره د پولنډ هېواد اوه ميليونه ډالر ځانګړي کړي دي.
په غزني کې مېشت د ناټو تر مشرۍ لاندې د ايساف په چوکاټ کې د پولنډي ځواکونو د ولايتي بيارغونې ډلې مشر جنرال بلازيوس نن (د ليندۍ ٢٩مه) په يوه خبري ناسته کې وويل، چې دوى به په راتلونکي کال کې د غزني په ښار او يو شمېر ولسواليو کې اوه ميليونه ډالر د بيارغونې په برخه کې ولګوي.
د هغه په وينا، له دې پيسو به ډېره برخه په ښار کې ولګول شي، تر څو د ٢٠١٣ کال لپاره، چې د غزني ښار د اسلامي هېوادونو د کولتور پلازمېنه نومول کېږي، تياري ونيول شي.

غزني (پژواک ۲۶ زمری ۹۰):ايران د غزني ولايت، چې په ٢٠١٣زېږديز کال کې د اسلامي هېوادونو فرهنګي پلازمېنه نومول کېږي، د چمتووالي، د لرغونو ابدو او کلتوري ميراث د ساتنې او رغونې په برخه کې مرسته کوي.
د ایران د اسلامي جمهوریت د کلتوري میراث د ساتنې یو څلور کسیز پلاوی د اطلاعاتو او کلتور وزارت د سلاکارانو په ملتیا نن(د زمري ٢٦مه)د غزني تاریخي سیمېاو ابدې له نږدې وکتلې.
د غزني والي موسي خان اکبرزاده له ایران او غزني ته د دغههېواد د پلاوي له راتګڅخه مننه وکړه او له نورو اسلامي هېوادونويېهم غوښتنه وکړه،چې د ایران پر پله پل کېږدې او د غزني په بیارغونه کېدېبرخه واخلي.

غزني ښار (پژواک ٦ وږى ٩٠): د غزني اوسېدونکي د ٢٠١٣ زېږديز کال لپاره چمتووالى ورو بولي او چارواکي تورنوي چې خبرې يې ډېرې او عمل يې کم دى.
دوى وايي، چې چارواکي يې په دې برخه کې يواځې نظر ورکوي، عملي کار يې نشته او هغه پروژې چې ژمنه يې شوې وه، کار يې پيل شوى نه دى.
دوى ډاډه نه دي چې تر ٢٠١٣ پورې دې غزني، چې په همدې کال د اسلامي فرهنګ او تمدن پلازمېنه اعلانېږي، چمتو کړل شي.
غزني په ٢٠١٣ کال د اسلامي هېوادونو له لوري د اسلامي فرهنګ او تمدن پلازمېنه نومول کېږي.

غزني(پژواک ۲۵زمري ۹۰):د ناټو عمومي قوماندان جنرال جان الن د غزنيله چارواکو سره د امنيت د ټينګښت او ددغه ولايت دبيارغونې په برخه کې د مرستو ژمنه وکړه.
دغه ژمنه پرون مازديګر (د زمري ٢٤مه) د ولايت په مقام کې د جان الن او د دغه ولايت د چارواکو تر منځ د بندو دروازو ترشا د خبرو اترو پر مهال شوې، چې وروسته يې په اړه د غزني والي موسى خان اکبرزاده رسنيو ته معلومات ورکړل.
والي وويل، چې د ناټو له مشر سره يې په غزني کې د امنيت د ټينګښت اوپه پراختيايي چارو کې د مرستو په اړهيو ساعت تفصيلي خبرېوکړې.

غزني ښار (پژواک ٦ ليندۍ ٩٠): د غزني له بالاحصاره راتاو شوې لرغونې کلا (قلعه غزنين) د بيارغونې په موخه د پاکولو لومړنۍ چارې د ليندۍ په ٦مه، پيل شوې.
د غزني والي موسى خان اکبرزاده له لوري د دې پروژې د پرانېستې پر مهال له حکومت او مرستندويانو وغوښتل، چې د ٢٠١٣ کال د چمتووالي په برخه کې له غزني سره مرسته وکړي.
والي زياته کړه، چې په بالاحصار او تاريخي کلا يو نيم ميليون يورو لګښت راځي، چې د جرمني د اخن پوهنتون له لوري يې د ورکړې ژمنه شوې ده.

غزني (پژواک ٢٤ ليندۍ ٩٠): د غزني په ښار کې د ولايتي بيارغونې ډلې له خوا د يو ميليون ډالرو په لګښت ترسره شوې پروژې ګټې اخيستنې ته وسپارل شوې.
د غزني والي موسي خان اکبرزاده نن (د ليندۍ ٢٤مه) پژواک اژانس ته وويل، چې په دغو پروژو کې واړه پارکونه، يو حمام، دوه تشنابونه او درې د موټرو پارکينګونه شامل دي.
د هغه په وينا، چې د دغو پروژو له بشپړېدو سره د ښار ښکلا څو برابره زياته شوې او چاپېريال هم پاک شوى دى.
نوموړي زياته کړه، چې د غزني ښار د ښکلا او د خلکو لپاره د اسانتياوو په برابرولو کې ورته نورې پروژې هم په پام کې لري.

غزني ښار (پژواک ١٩ سلواغه ٩٠): د غزني د ولايتي شوار نوي اداري پلاوي ژمنه وکړه، چې له ولايتي ادارې سره به خپلې ستونزې هواروي او د خلکو لپاره به رښتينى کار کوي. د غزني ولايتي شورا د خپلواکو ټاکنو په ترڅ کې نن (د سلواغې ١٩مه) خپل نوى اداري پلاوى وټاکه او له ولايتي ادارې سره يې د خپلو ستونزو د هواري ژمنه وکړه. د ولايتي شورا نوي رييس قاضي صاحب شاه پژواک اژانس ته وويل، چې د ولس د رښتيني استازي په توګه به د ټولنې د ودې لپاره کار کوي. د هغه په وينا، د ولايتي شورا او ولايتي ادارې تر منځ شته ستونزې او يو پر بل نيوکې به له منځه يوسي.

غزني ښار (پژواک ٢ مرغومى ٩١): چارواکي وايي، چې په غزني ښار کې د ولايت مقام ترڅنګ چاودنه شوې، چې له امله يې درې تنه ټپيان دي.
د غزني د والي وياند فضل سباوون د مرغومي په ٢مه پژواک اژانس ته وويل، چې نن شاوخوا ١١ نيمې بجې په غزني ښار کې د رحمان په نوم د يو شخصي روغتون مخې ته چاودنه رامنځ ته شوه.
د هغه په وينا، په چاودنه کې يو د ملي امنيت کار کوونکى او دوه ملکي وګړي ټپي دي، چې روغتون ته وړل شوي دي.
نوموړي زياته کړه، چې چاودېدونکي توکي پر يو بايسکل ځاى پر ځاى شوي وو، چې د ريموټ کنټرول له لارې چاودنه ورکړل شوه.