Opinions Contents

د بريالى روان ليکنه  
دنړۍ په پرمختللو هېوادونو کې تر ټولو کارپوه ،بانفوذه  ،په وطن مين ،دژور تفکر لرونکي  او دټولنې په ټولو عيني او ذهني شرايطو پوه کسان دوکالت په چوکيو کارکوي دخلکو له لوري دخلکو په خوښه او دخلکو درايوپه ځواک سره دوکالت مقام ته رسيږي  ،که هرڅوک دنړۍ دپرمختللو سياسي ،اقتصادي او نظامي قدرت لرونکو هېوادونو په اړه علمي او هراړخيزه ژورې څيړنې وکړي  دا ثبوت به ترلاسه کړي چې له اجرائيه قوې يې مقننې قوې ډيرې ځواکمنې ،کاري  د ولس ،خاورې اوتاريخ خدمت ته ژمنې دي .

 
مېرمن سپينه يوه پښتنه شاعره ده، چې د وزير يارمحمد خان الكوزي د حكومت په وخت کې د هرات په شاوخوا كې اوسېده. دا پښتنه د نورمحمد خان الكوزي لور وه، او هغه وخت چې ایرانيانو په (۱۲۵۵ هـ) كال کې هرات كلابند كړ او د هرات پښتنو له دوى سره د مېړانې مقابله وكړه، زموږ پښتنه شاعره ژوندۍ وه د هرات کلابندي خو يو كال او اته مياشتي اوږده شوه ، مګر پښتون ځان تسليم نه كړ او هرات يې نه پرېنښود.
په دې جګړو او ملي مېړانو كې د پښتنو سرداران شاه كامران سدوزى او وزير يارمحمد خان الكوزى و، دوى د پښتنوالي، ټينګار او راسخ عزم په دې مقاومت كې څرګند كړ.

 دهزارګل صالحي ليکنه

د يوه ملت تاريخ د هغه هويت جوړوي. افغانستان له خپل لرغوني عمر سره د نړۍ په نقشه کې ځانګړى ځاى لري. د لرغونو ارزښتونو اوپانګو ساتنه ټولنې ژوندۍ ساتي.

لکه څنګه چې زموږ ګران هېواد افغانستان د اقتصاد له نظره په نړۍ کې له وروسته پاتې هېوادونو څخه دی، له درېيو لسيزو جګرو نه راوتلی او غربت ځپلی دی؛ خو له معنوي شتمنيو او فرهنګي هستيو مالامال دی. نړيوال څېړونکي او تاريخپوهان وايي ، چې افغانستان د نړۍ څلور لاری او د اسيا زړه دى.

کابل سره دسیاسي جفاؤ لنډ تاریخ :
یو ځل هغه مهال دغه په جګړو اخته کابل د یوه مثبت تحول په درشل کې ودرید، چې شوروی اتحاد پکې د ټولې نړۍ  د تصور په خلاف پریکړه وکړه، چې نور خپل فوځونه  د کابل څخه اوباسي .
کله چې  له شوروي سره دغه  یوه بدیله  نقشه وه، چې د ضرورت په وخت کې سر پل د خپلو کمونستو ملګرو لپاره یوبل  کابل کړي  او افغانستان پکې په تجزیه ودروي؛ ولې هاغه مهال په افغانستان کې داسې  ډلې  وې چې پر شمال او جنوب کې يې ځواکمن حضور درلود او د شوروي د دغه پروګرام لپاره عملي زمینې بندې  ښکاریدې.