سرغړونې

جلال اباد (پژواک، ۲ مرغومی ۹۷): د ننګرهار يو شمېر اوسېدونکي په دغه ولايت کې د ولسي جرګې د لومړنيو پايلو له اعلانه خوښ نه دي او وايي د رايو په پرتله جوړ جاړي ته ډېره پاملرنه شوې ده.

تر اوږده ځنډ وروسته د ټاکنو خپلواک کمېسيون د ننګرهار ولايت د ولسي جرګې د ټاکنو لومړنۍ پايلې تېره شپه اعلان کړې چې د ١٤ کسانو له ډلې نيمايي نوي دي.

تالقان (پژواک، د مرغومي لومړۍ نېټه ٩٧): د تخار ولايت سلګونو اوسېدونکو د يوه لاريون په ترڅ کې وويل چې دوى د ولسي جرګې ټاکنو لومړنۍ پايلې نه مني او رايې بايد له سره وشمېرل شي.
یادو خلکو او نوماندانو نن د تخار په مرکز تالقانو ښار کې له لاريون وروسته د ولايت مقام مخې ته اعتراضيه غونډه جوړه کړه.
يوه اعتراض کوونکي او نوماند خيرمحمد تيمور پژواک خبري اژانس ته وويل چې دغه اعتراض کوونکي له کمېسيونه غواړي چې رايې له سره وشمېري او پاکې رايې له ناپاکو بېلې کړي.
هغه ادعا وکړه چې له تخاره بريالي شوي نوماندان ډېرى يې په درغليو او د کمېسيون په همکارۍ بريالي شوي دي.

مزارشريف (پژواک، د مرغومي لومړۍ نېټه ۹۷): ټاکنيزو شکايتونو ته د رسېدو کمېسيون مسوولين وايي چې د بلخ د معترضو نوماندانو ټولو قانوني غوښتنو ته به رسېدنه وکړي.
تېره اوونۍ د بلخ يو شمېر نوماندانو د دغه ولايت د لومړنيو پايلو د اعلان په غبرګون کې د بلخ د ټاکنو سيمه ييز دفتر وتاړه او همدا راز يې د اعتراضونو د پراخېدو ګواښ وکړ.
خو تېره شپه ټاکنيزو شکايتونو ته د رسېدو کمېسيون عمومي رييس عبدالعزيز اريايي د بلخ ولايت مقام په تالار کې له معترضو نوماندانو سره تر کتنې وروسته هغوی ته د تورو او سپينو رايو د جلا کېدو ډاډ ورکړ.

کابل (پژواک، ۲۹ لیندۍ ۹۷): په داسې حال کې چې د ولسمشرۍ ټاکنو ځینې احتمالي ټکټونه، د اجرايي ریاست پوست په شتون او نه شتون ټینګار کوي؛ خو حقوق پوهان او پر ټاکنو د څار بنسټونه، د دې څوکۍ تشکیل له اساسي قانون سره په ټکر کې بولي.

کابل(پژواک، ۲۷ لیندۍ ۹۷): یو شمېر معترضو نوماندانو د کندوز حوزې ټاکنې له درغلیو ډکې وبللې او د لغوه کېدو غوښتنه یې وکړه او ګواښ يې وکړ چې د دوی غوښتنو ته د نه رسېدو په صورت کې به د ولسمشریزو ټاکنو په تحریم او د دولت نظامي مخالفت وکړي.

جلال اباد (پژواک، ۲۷ لېندۍ ۹۷): د ننګرهار چارواکي وايي چې د دغه ولايت د کانال د ځمکو د غصب په قضيه کې د تورن شخص حاجي ګلمراد عرب د نيولو په لټه کې دي او له لويې څارنوالۍ يې د هغه د ممنوع الخروج اعلانېدو غوښتنه هم کړې ده.

مزارشريف (پژواک، ۲۷ لېندۍ ۹۷): د بلخ يو شمېر معترضو نوماندانو او د هغوی پلويانو د لاريون پر مهال د ټاکنو له کمېسيونه د دغه ولايت د رایو د بیا شمېرلو غوښتنه وکړه او د ټاکنو د ولايتي دفتر دروازه يې وتړله

کابل (پژواک، ۲۶ لیندۍ ۹۷): لویې څارنوالۍ د ټاکنیزو جرمونو ۸۱ قضیو، د درغلیو ۵۵۴ قضیو او د هویت په تذکرو کې د درغلیو په تړاو د ټاکنو کمېسیون د ۲۲ کارکوونکو، ۳۲ دولتي کارمندانو او څلور نوماندانو په ګډون د ۲۳۰ کسانو د نیولو خبر ورکړ.

خوست ښار (پژواک، ۲۶ لېندۍ ۹۷): په خوست کې د ولسي جرګې يو شمېر معترضو نوماندانو د اداري کمپلکس مخې ته د تحصن خېمه درولې او د ولايت مقام دروازه يې د اعتراض په ډول د مامورينو پر مخ تړلې ده.
د ولسي جرګې دغه معترض نوماندان په داسې وخت کې د دغه ولايت مقام دروازه د دولتي مامورينو او عامو خلکو پر مخ تړلې چې تېره ورځ يې په دوه منده ولسوالۍ کې د خوست- ګردېز لويه لار هم د ترافيکو پر مخ تړلې وه.

کابل (پژواک، ۲۶ لیندۍ ۹۷): د هرات یو شمېر اوسېدونکي د مخکښو نوماندانو په لېست کې د ټاکنو کمېسیون د مرستیالې وسیمې بادغيسۍ د ورور نقیب الله اروین د نوم ځاى پر ځای کول او له ۷ زرو د ډېرو رایو ترلاسه کول د پوښتنې وړ بولي او ادعا کوي چې په درغلۍ یې د مخکښو نوماندانو په لېست کې ځای پیدا کړی دی.