کابل(پژواک ١٧ورى٩٢) :د ولسي جرګې ځينې غړي پرته له دې ، چې د چا نوم واخلي ، وايي چې د وزيرانو د استيضاح په موضوع کې د جرګې ځينو غړو پيسې اخيستې او ځينو يې ګوندي او سمتي اړيکې پاللې دي.
دوى دغه څرګندونې وروسته له هغه کوي ، چې تېر کال د مرغومي په لومړيو کې ولسي جرګې د ملي دفاع، کورنيو چارو، سوداګرۍ، اقتصاد، اوبو او برېښنا، پوهنې، ښاري پراختيا، کانونو، لوړو زده کړو، له نشه يي توکو سره د مبارزې او اطلاعاتو او فرهنګ وزارتونو د وزيرانو د استيضاح پرېکړه وکړه ، خو د ولسي جرګې په تېرو درېيو غونډ، کې يادو ټولو وزيرانو وکولاى شول ، چې د جرګې له استيضاح بريالي را ووځي.