سرغړونې

کابل (پژواک ١٨ غويى ٩٣): د ټاکنيزو شکايتونو کمېسيون، د رايې ورکولو د٤٤٤ محلونو د شکايتونو د ثبت موده، چې پرون د ټاکنو خپلواک کمېسيون له لوري اعلان شوې وه، تر پنځو ساعتونو (له غرمې وروسته يوه بجه) پورې غځولې ده.
د ټاکنيزو شکايتونو کمېسيون وياند او منشي محمد نادر محسني نن خبريالانو ته وويل، دغه پرېکړه له هغه وروسته تر سره شوې، چې د يادو محلونو د رايې شمېرې، له پنځه ساعته ځنډ وروسته د ټاکنو کمېسيون پر انټرنټي پاڼه خپرې شوې.

کابل (پژواک، ١٧ غويى ٩٣): د ولايتي شکايتونو په اړه د ټاکنيزو شکايتونو د خپلواک کمېسيون ډاګيزه ناستې پاى ته ورسېدې، چې د دې شکايتونو پر بنسټ، د هېواد په ټولو زونونو کې تر ټولو زيات درغلي د ډاکټرعبدالله او اشرف غني احمدزي په ګټه شوې ده.
د ډاګيزو ناستو پر دوام، نن پنځمه ناسته د مدني ټولنې بنسټونو، ټاکنيزو څارونکو، رسنيو او نوماندانو د استازو په شتون کې تر سره شوه، چې په کې د ننګرهار، لغمان، کونړ، نورستان، پکتيا، پکتيکا، خوست، سمنګانو، بلخ، جوزجان، سرپل او فارياب په اړه، چې په ختيځ، سوېل ختيځ او شمال لوېديځ زونونو پورې اړوندېږي، څه باندې ٢٤٠ نور شکايتونه وڅېړل شول.

کابل (پژواک ١٧ غويى ٩٣): د ټاکنيزو شکايتونو د کمېسيون چارواکي وايي، چې د ټاکنو خپلواک کمېسيون د ٤٤٤ محلونو له ډلې د ٣٦ رايې باطلې کړې او د ٢٩١ محلونو رايو ته يې اعتبار ورکړى دى.
د دغه کمېسيون منشي او وياند محمدنادر محسني وايي، چې د ټاکنو کمېسيون همداراز د دغو محلونو په اړه خپلې څېړنې دوى استولې دي.
محسني نن د شکايتونو د څېړلو د علني غونډې پر مهال خبريالانو ته وويل، چې د ټاکنو کمېسيون د معلوماتو له مخې، په ٩١ مرکزونو کې چا رايه نه ده ورکړې او پاتې ٢٦ نور محلونه "نور موارد" دي چې له امله يې د دغو محلونو رايې هم له پامه غورځول شوې دي.

کابل (پژواک ١٦ غويى ٩٣): د ټاکنيزو شکايتونو خپلواک کمېسيون، د خپلو علني ناستو په روانه لړۍ کې لسګونه نور شکايتونه هم څېړلي، چې ډېرى يې د عبدالله او اشرف غني پر وړاندې ثبت شوي دي.
په دغه څلورمه ناسته کې، چې نن د مدني ټولنې غړو، ټاکنيزو څارونکو، رسنيو او د کانديدانو په ګډون تر سره شوه، د هېواد د شمال لوېديځ زون شکايتونه وڅېړل شول.

کابل (پژواک ١٥ غويى ٩٣): د ټاکنيزو شکايتونو کمېسيون، شاوخوا ٢٤٠ نور ډاکنيز شکايتونه هم څېړلي، چې ډېرى يې د زلمي رسول، ډاکټر عبدالله او اشرف غني پر وړاندې شوي، خو د کانديدانو استازي پر دغو شکايتونو نيوکه کوي او بې سنده يې بولي.
په درېيمه علني ناسته کې، چې نن د مدني ټولنوغړو، ټاکنيزو څارونکو او د رسنيو د استازو په ګډون تر سره شوه، د سوېل او سوېل لوېدځو ولايتونو (کندهار، هلمند، زابل، اروزګان، هرات، فراه، بادغيس، غور او نميروز) شکايتونه وڅېړل شول.

کابل (پژواک، ١٣غويى ٩٣): د ټاکنيزو شکايتونو کميسيون چارواکي وايي، سر له سبا به د يوې اونۍ لپاره د ټاکنو په تړاو ور رسېدلي شکايتونه په علني ډول څېړي او په اړه يې فيصله صادروي.
ددې کميسيون مشر عبدالستار سعادت وايي چې ددوى څېړنې به د روانې جمعې تر ورځې (١٩غويى) پشبړې شي.
سعادت د شنبې په ورځ پژواک خبري اژانس ته وويل چې د ټاکنيزو شکايتونو کميسيون شکايتونو ته د رسيدنې په موخه افغانستان د زونونو په کچه پر خپلو کمشنرانو وېشلى چې سر له سبا يې څېړنې پيلېږي او د هر زون شکايتونو ته د يوې ورځې په اوږدو کې څېړنه کېږي.

کابل (پژواک ١٤ غويى ٩٣): د ټاکنيزو شکايتونو کمېسيون، د تېرو ټاکنو د ورځې د درغليو په اړه د مرکزي زون ټول اعتراضونه او شکايتونه په علني ډول څېړلي، خو دغو څېړنو بيا د کانديدانو د استازو قناعت نه دى تر لاسه کړى.
د علني ناستو د روانې لړۍ په ترڅ کې، نن يو ځل بيا د مدني ټولنو د غړو، ټاکنيزو څارونکو، د کانديدانو او رسنيو د غړو په ګډون يوه غونډه تر سره شوه، چې په ترڅ کې يې د مرکزي زون (کابل، پروان، کاپيسا، ميدان وردګ، لوګر، پنجشېر، باميان، دايکنډي او غزني) شکايتونه وڅېړل شول.

ګردېز( پژواک ١١ غويى ٩٢): په پکتيا کې د ټاکنيزو شکايتونو دفتر، له ٩٠ قرنطين شويو صندوقونو څخه د ٢٥ صندوقونو رايې باطل اعلان کړې.
د ولسمشرۍ او ولايتي شوراګانو ټاکنې د وري په ١٦مه تر سره شوې او ټاکل شوې ، چې په ټاکنو کې د درغليو په اړه د شکايتونو تر څېړنو وروسته يې پايلې د غويي په ٢٤مه اعلان شي.
په پکتيا کې د ټاکنيزو شکايتونو کمېسيون چارواکو نن په يوه خبري ناسته کې وويل، چې ياد ٢٥ صندوقونه د ولايتي شورا د اوسني رييس او د ۱۳۹۳ لمريز کال په ټاکنو کې د ولايتي کانديد ښايسته جان احدي د اړوندې ولسوالۍ لجه منګل دي.

هرات (پژواک ١١ غويى ٩٣): د امريکا متحده ايالاتو، د ټاکنو له خپلواک او د ټاکنيزو شکايتونو له کمېسيونونو وغوښتل، چې د ټاکنو د پايلو روڼتيا ته ډېر پام وکړي.
دغه مطلب نن په هرات کې د امريکا متحده ايالاتو ارشد ملکي استازي او کونسل يوجين اس يانګ څرګند کړى دى.
نوموړي وويل: " لکه څرنګه، چې ٩٩ سلنه افغانانو د نړيوالې ټولنې په مرستې، د وري د شپاړسمې نېټې ټاکنې تېرې کړې، دوى هيله من دي، چې افغانان په دويم پړاو ټاکنو کې هم پراخه ګډون وکړي."