سرغړونې

 
د ټاکنو کمېسيون له خوا د ٥٢٥ محلونو باطلو رايو په اړه ډاګيزه ناسته نن د ولسمشرۍ نوماندانو د استازو په شتون کې پيل شوه او ټاکل شوې چې د شکايتونو کمېسيون خپله پرېکړه د نن ورځې تر پايه صادره کړي.
په دې ناسته کې د مدني ټولنو، بشري حقونو او رسنيو استازو او ټاکنيزو څارونکو هم ګډون کړى، د نوماندانو استازو د ټاکنو کمېسيون له خوا د رايې ورکونې د دغو محلونو د باطلې اعلانېدو په اړه خپل اسناد او دلايل وړاندې کړل.

 
کابل( پژواک،٨ غويى٩٣):د ټاکنو د شکاياتو کمېسيون وايي،چې د ټاکنو د لومړنيو پايلو په تړاو تراوسه ٧١ شکايتو نه ثبت شوي دي
د ټاکنيزو شکايتونو کمېسيون وياند نادر محسني د غويي په ٨مه د يوې خبري غونډې پر مهال وويل، چې د دغو شکايتونو ډېره برخه په يو شمېر ولايتونو کې د باطلو شويو رايو د برخليک ، د سيمه ييزو زور واکو د لاسوهنې او له دولتي امکاناتو څخه د ګټې اخيستنې په تړاو دي.
محسني وويل، د ټاکنو د لومړنيو پايلو په تړاو د دغو ترلاسه شويو ۷۱ شکايتونو له ډلې څخه ۷۰ هغه يې د يوه مخکښ کانديد له لوري ثبت شوي دي.

 
ميدانښار (پژواک ۴ غويى ۹۳): په ميدان وردګو ولايت کې د ۹ مرکزونو رايې قرنطين او د ۳۴ صندوقونو رايې بيا وشمېرل شوې.
په ميدان وردګو ولايت کې د ټاکنو خپلواک کمېسيون رييس انجنير نورالله پيغام د غويي په ۴مه پژواک خبري اژانس ته وويل، چې ياد مرکزونه د ټاکنو د شکايتونو خپلواک کمېسيون په غوښتنه قرنطين شوې او دوى په مستقيم ډول د هېڅ مرکز او يا کوم صندوق رايې نه دي قرنطين کړې.
د هغه په وينا، امکان لري د قرنطين شوو صندوقونو رايې به وروسته له هغه باطلې او  يا هم پاکې اعلان کړي،  چې د دو‌ى څېړنې په بشپړ ډول ترسره شي .

 
ګردېز ( پژواک، ٢ غويى ٩٣ ) : د پکتيا د ټاکنيزو شکايتونو کمېسيون هغه راپورونه رد کړل ، چې ګوندې ددې ولايت د ۳۲ مرکزونو رايې باطلې شوې دي.
تېره ورځ په کابل کې د ټاکنيزو شکايتونو کمېسيون وياند نادر محسني له رسنيو سره په خبرو کې ويلي و ،چې د نور و ولايتونو تر څنګ يې په پکتيا کې د ۳۲ مرکزونو رايې باطلې کړې دي.
د پکتيا د ټاکنيزو شکايتونو کمېسيون رييس بشيربهرام د  غويي په ٢مه، پژواک  خبري اژانس ته وويل ، چې په دې ولايت کې يواځې د شپږو ولسواليو د ۳۲ محلونود رايو صندقونه څېړل شوي دي.