VOTER VOICES & DEMANDS

باميان (پژواک،٣ چنګاښ ٩٢):دباميانو ولايت اوسېدونکي په دغه ولايت کې د بيارغونې دچټکوالي،دبيکارۍ دختمولو ، له پوهنې دملاتړ، دښځو دحقونو د تامين او همدارنګه په هېواد دننه او بهر دلوړو زده کړو دمساعدولو غوښتونکي دي .
دوى په دغه ولايت کې دبيارغونې بهير ټکنى ګڼي او غواړي، چې بندونه، لارې ، برېښناکوټونه ، بندونه او کرنې ته دې زياته پراختيا ورکړل شي .
دا غوښتنه په داسې مهال کېږي، چې ددغه ولايت مدني ټولنو څو کاله وړاندې ددغه ولايت په مرکز کې څو متره سړک داعتراض په ډول اخېړ کړ او په دې ډول يې دبيارغونې پيکه بهير په اړه خپل ااعتراض څرګند کړ .

د نورستان يو شمېر اوسېدونکي وايي چې په تېرو کلونو کې په ژوند کې يې هېڅ کوم مثبت بدلون نه دى راغلى، ولايت ته يې پاملرنه ده شوې، خو په دې نيت به رايه ورکړي، چې راتلونکى واکمن يې ستونزو ته پام واړوي .
د ٧ ولسواليو لرونکى دغه سرحدي ولايت د هېواد په ختيځ کې پروت دى، چې له ګاونډي پاکستان سره هم ګډه پوله لري.
د راتلونکيو ټولټاکنو په اړه، دغه راپور د نورستان د مرکز او ٥ ولسواليو د ٨ اوسېدونکيو ( چې ٢ يې مېرمنې دي ) په مرکو، په روانه اونۍ کې چمتو شوى دى .
ښوونکى: د ښوونکيو ژوند ته دې پاملرنه وشي

جلال اباد(پژواک،٢٧غبرګولى٩٢): د نورستان ولايت اوسېدونکي دامنيت د خرابوالي ترڅنګ د ژوند د لومړنيو اسانتياوو له نشتوالی سرټکوي او زياتوي ،چې دوى نه سړک لري او نه هم د ښوونځيو او کلينيکونو لپاره ودانۍ.
د نورستان د دواب ولسوالۍ اوسېدونکي نبي الله رشيدي پژواک خبري اژانس ته وويل، په دغه ولايت کې ، چې تر ټولو لويې ستونزې سره دوى لاس او ګريوان دي هغه د ناامنۍ ستونزه ده.
نوموړى وايي، چې په دغه ولايت کې پنځه سلنه امنيت هم نشته او مرکزي ادارې ورته تر اوسه پورې پاملرنه، نه ده کړې.

جلال اباد(پژواک٢٦غبرګولى٩٢): د نورستان اوسېدونکي له مرکزي ادارې او نړيوالې ټولنې غواړي ، چې په دغه ولايت کې دې امنيت راولي او ياد ولايت دې له وسله والو مخالفينو پاک کړي.
دوى په نورستان ولايت کې د بې کارۍ د له منځه وړلو،د بيارغنيزو پروژو د پلي کولو، د سړکونو جوړولو، نجونو او هلکانو ته د لوړو زده کړو د زمينې برابرولو غوښتنه کوي.
د نورستان د ولايتي شورا مرستيال امان الله عنايت الرحمان پژواک خبري اژانس ته وويل، چې په دغه ولايت کې ٥% امنيت هم نشته، دى وايي چې مرکزي ادارې تر اوسه پورې دغه ولايت ته هېڅ پاملرنه، نه ده کړې.

مهترلام
د زمري ٢٦مه، ١٣٨٨، پژواک خبري اژانس

لغمان (پژواک٢٨غبرګولى٩٢): د لغمان ولايت ډېرى اوسېدونکي وايي، چې بې کاري او نا امنۍ ددوى لويې او مهمې ستونزې دي.
د لغمان دولت شاه ولسوالۍ اوسېدونکي فرهاد پژواک ته وويل، چې په ولسوالۍ کې يې له ناامنۍ سربېره د بې کارۍ ستونزه يو له هغو غټو ستونزو څخه ده ، چې له ګڼو مشکلاتو سره يې مخ کړي دي.
دى وايي ، چې د دوى د ولسوالۍ ډېرى ځوانان بې کاره ګرځي او يا هم د کار لپاره ايران ته ځي ، چې په لاره او ايران کې بيا وژل کېږي .

مهترلام (پژواک ١٩غبرګولى ٩٢): د لغمان ولايت ډېرى اوسېدونکى د برېښنا او سړکونو پروژو ترسره کولو ترڅنګ د کرنې په برخه کې د زياتو کارونو غښتنه کوي.
په لغمان ولايت کې د تېرو لسو کلونو پرمهال د بيارغونې وړې پروژې ډېرې پلې شوې دي او په ځانګړې توګه په دې ولايت کې د ملي پيوستون له خوا ګڼ شمېر پروژې ترسره شوي، په دې وروستيو کې دې ولايت ته له نغلو څخه څلور ميګاواټه برېښنا هم لېږدول شوې ده، خو بيا هم ددې ولايت اوسېدونکي د ژوندانه د اسانتياوو لپاره يو شمېر غوښتنې لري.

Mehtar Lam (PAN): People of Laghman demand early completion of electricity and road projects, urging the government to help them promote their agriculture sector.
During the last decade, a number of rehabilitation projects were launched with special reference projects are implemented by the National Solidarity Program (NSP). The province is provided with four megawatts electricity but people want more facilities to reverse the tide of growing insecurity.

محمود راقي( پژواک ٢٨غبرګولى ٩٢ ) : د کاپيسا ډېری اوسېدونکي په خپله سيمه کې د خلکوله خراب اقتصادي وضعيت، بې کارۍ، د برېښنا له نه شتون، اداري فساد ، کمزورې حکومتولۍ او نورو ستونزو څخه سر ټکوي.
دغه راز ددغه ولايت يو شمېر اوسېدونکي د پوهنې ټيټ کيفيت، د کرنيزو توکيو لپاره د بازار نه شتون او د اوبوکمښت خپلې نورې مهمې ستونزې بولي .
د کاپيسا د مرکزي سيمې د اړوکو کلي قومي مشر حاجي ملا داد الله وايي، چې د برېښنا د نشت له امله له ستونزو سره مخ دي.

محمود راقي ( پژواک ٩ چنګاښ ٩٢ ) : د کاپيسا يو شمېر اوسېدونکي له حکومت څخه د امنيت ترڅنګ د کار پيدا کولو او اداري فساد پرضد د کلکې مبارزې غوښتنه کوي.
خلک له حکومتي چارواکوڅخه بېلابېلې غوښتنې لري ،دوی زياتره د امنيت په ټينګښت او خلکو ته دکار په پيدا کولو باندې تاکيد کوي.
د کاپيسا د مرکز محمود راقي اوسېدونکى او د البيروني پوهنتون استاد پوهنيار يحيی رحيل په وينا دولت بايد دوى ته په لومړي قدم کې امنيت ښه ټينګ کړي .
د هغه په وينا، کله چې امنيت وي بيا بياروغونه ، اقتصادي کارونه او تعليم هم کيږي که امنيت نه وي، نو هيڅ يوه ټولنه پرمختګ نه کوي .