لښکرګاه (پژواک ۳۰ وږى ۹۳): د هلمند ولايت د مدني ټولنو ځيني فعالان وايي چې د ملي وحدت حکومت د واک د وېش په معنا دى او دغه کار ښايي وروسته ستونزې جوړې کړي.
په همدې اړه په لښکرګاه کې د وږي په ٣٠مه د غازي محمدجان خان د مدني ټولني له خوا غونډه را بلل شوې وه چې لسګونه کسانو په کې ګډون کړى و.
د دې مدني ټولنې مشر ډاکتر محمدسرور عاصم پژواک خبري اژانس ته وويل چې نوى ولسمشر دې د قانون پر بنسټ وټاکل شي او د کانديدانو د رايو سلنه دې اعلان شي.
هغه وويل، افغانان به د خپلو رايو حق وغواړي او د پرديو پرېکړې ورته د منلو نه دي نو هر نوماند چې ډېرې رايې وړي، ولسمشر دې اعلان شي.