کندهار ( پژواک ١٥غبرګولى ٩٢ ) : د کندهار ولايت امنيتي چارواکي وايي، چې د دغه ولايت امنيتي وضعيت ښه شوى، اوولس واړه ولسوالۍ د حکومت تر واک لاندې راغلي، ګڼو ولسواليو ته غځېدلې لارې خلاصې شوي او د ښار تر څنګ په لرې پرتو سيمو کې سيمه ييزو پوليسو د وسله والو د فعاليتونو مخه نيولې ده.
د کندهار ولايت امنيه قوماندان مل پاسوال عبدالرازق وايي، چې د ملي پوليسو په ليکو کې اصلاحات، په ولسواليو کې د سيمه ييزو پوليسو جوړېدل او د خلکو همکاري هغه څه دي، چې په دې ولايت کې د پخوا په پرتله امنيتي وضعيت ښه شوى دى.
