Helmand

 
لښکرګاه (پژواک ۷غويى ۹۳) د هلمند چارواکي وايي، چې د ښه امنيتي تدابېره له امله به د ټاکنو په دويم ممکنه پړاو کې د خلکو ونډه ډېره وي.
دغه څرګندونې د هلمند مرستيال والي او امنيتي مسوولينو  د هغې غونډې په ترڅ کې وکړې ، چې د مدني ټولنو له لوري د امنيتي ځواکونو د ستاينې په موخه جوړه شوې وه.
د دې ولايت مرستيال والي احمد مسعود بختور وويل، که د ولسمشرۍ ټاکنې دويم پړاو ته ولاړې شي، د تېر په پرتله به په  دغه ولايت کې د رايې ورکوونکو شمېر زيات شي.
نوموړي دا هم وويل، هغه ستونزې، چې په لومړي ځل ټاکنو کې وې، په دويم  پړوا کې به يې مخنيوى وکړي.

 
لښکرګاه (پژواک ۳١ ورى ۹۳): د هلمند امنيتي مسوولين وايي، د پوليسو او نورو امنيتي ارګانو په مسلکي کېدو او تجهيز سره په دغه ولايت کې امنيتي ساحه پراخه شوې ده.
دغه څرګندونې د هلمند امنيه قوماندان پاسوال ارکانحرب عبدالقيوم باقي زوى په يوې خبرې ناستې کې وکړې.
نوموړي وويل، له روان لمريز کال را په دېخوا يې په ځانګړو عملياتو کې ۱۸ وسله وال وژلي، ۱۶ ټپيان شوي او اوه ژوندي نيول شوي دي.
د ده په وينا، چې په همدې موده کې يې ۱۵۸ کړۍ ماينونه، اوه ميله وسلې، درى پايې مخابرې، اته موټرسايکل بمونه او تر دوه زره زياتي مرمۍ يې هم نيولې دي.

 
لښکرګاه (پژواک۲۶ورى۹۳) : په هلمند کې د ټاکنو د خپلواک کمېسيون له خوا د هغو ١٦ محلونو د رايې د بيا شمېرنې لړۍ پيل شوه ، چې په اړه يې شکايتونه شوي وو.
په دې ولايت کې د ټاکنو د خپلواک کمېسيون مشر قدرت الله نقشبندي د وري په ٢٦مه، پژواک خبري اژانس ته وويل، چې ددغو  صندقونو د  بياشمېرنې غوښتنه  له مرکز څخه شوې ده.
هغه زياته کړه، دغه محلونه چې شپږ يې د لښکرګاه  له بېلابېلو مرکزونو څخه دي، درې په ناوه ولسوالۍ، يو په ناد علي، درې په ګرشک، دوه  په ګرمسېر او يو په خانشين ولسوالۍ کې وو او په اړه يې شکايت شوی و.

 
لښکرګاه (پژواک ۲۳ وری ۹۳): په هلمند ولايت کې مدني ټولنې وايي، چې په ټاکنو کې د درغليو هڅې به د هېواد حالات د بحران لوري ته بوځي.
دوى د ټاکنو له خپلواکو کمېسيونونو وغوښتل ، چې د وري د ١٦مې ټاکنو پايلې دې په شفاف ډول اعلان کړي او له معاملو دې ډډه وکړي.
دغه څرګندونې په هلمند کې بېلابېلو مدني بنسټونو، ژونالېستانو او د پوهنتونونو استادانو د وري په ٢٣مه په همدې موخه په يوې جوړې شوې غونډې کې وکړې.