Helmand

لښکرګاه(پژواک ۱۴،غبرګولی۹۴) : د هلمند نوی والي وايي چې په دې ولايت کې د امنيت ټينګښټ، له اداري فساد سره مبارزه  او د سولې را وستل يې له کاري لومړيتوبونو څخه دي.
د هلمند نوى والي ميرزا خان رحيمي د غبرګولي په ١٤مه د سيمه ييزو ارګانونو ادارې د ښارواليو د انسجام د رييس عبدالباقي پوپل له خوا د يوې غونډې په ترڅ کې د دې ولايت خلکو ته  ور وپېژندل شو.
پوپل وويل چې د هلمند نوي والي په بېلابېلو دولتي څوکيو کار کړى نو د خپلې تجربې له مخې به دې ولايت کې د امنيت ټينګښت او د نورو برخو د ودې لپاره اړين ګامونه پورته کړي.

لښکرګاه (پژواک، ١١ غبرګولى ۹۴): د هلمند ولايتي شورا ځيني غړي وايي چې په تېرو څو مياشتو کې د سرپرستانو د شتون له امله دغه شورا په دې نه ده توانېدلې چې خپلې چارې په سمه توګه پر مخ يوسي.
ولسمشر محمداشرف غني د تېر کال د کب مياشتې په وروستيو کې د يو تقنيني فرمان له مخې ولايتي شوراګانو ته پر سيمه ييزو ادارو د نظارت حق ورکړ خو سره له دې هم د ځينو ولايتونو د ولايتي شوراګانو غړي وايي چې تر اوسه نه دي توانېدلي په سمه توګه خپلې چارې پر مخ يوسي.