ملي شورا

 کابل ( پژواک، ليندۍ لومړۍ نېټه ٩٤ ): د کورنيو چارو او ماليې وزارتونو مرستيالان وايي چې د کورنيو چارو وزارت د څه باندې درې نيم ميلياردو افغانيو د قرارداديانو د پيسو ورکولو په اړه دې د وزيرانو شورا پرېکړه وکړي.
همداراز ولسي جرګې تصميم ونيو، څو ددې موضوع په تړاو د کورنيو چارو او ماليې وزيران د جرګې عمومي غونډې ته ور وبولي.
 د کورنيو چارو وزارت د شاوخوا ٩٠ قراردادي شرکتونو استازي وايي چې د کورنيو چارو وزارت د خوراکي توکو د اکمال له اړخه، له ١٣٩١- ١٣٩٣ کال پورې څه باندې درې نيم ميليارده افغانۍ له دې شرکتونو څخه پوروړى دى.

کابل (پژواک، ٢٧ لړم ٩٤): د مشرانو جرګې د شکايتونو اورېدو کمېسيون د ولسمشر ځانګړى استازى او د حکومت يو شمېر نور چارواکي د هوشمند ښارګوټي قضيې په تړاو د دغه کمېسيون غوڼدې ته وربللي وو څو په دې اړه ځواب ووايي.
د هوشمند ښارګوټي د جوړولو چارې په کابل کې د لړم په ٢٠ مه د ښې حکومتولۍ او د چارو سمون په برخه کې  ولسمشر ځانګړي استازي احمدضيا مسعود، د ښارجوړونې وزير سيد سعادت نادري، د ولسمشر حقوقي سلاکار عبدالعلي محمدي  او د ملي شورا يو شمېر غړو په ګډون پيل شوې.

کابل (پژواک، ٢٥ لړم ٩٤): حکومت وايي چې د کابل-واشنګټن تر منځ د امنيتي قرارداد ځينې مادې په کره توګه عملي شوې، خو د قرارداد د ښه عملي کولو لپاره بايد پر لاسوهونکو هېوادونو فشار راوړل شي او له هېواده بهر د ترهګرو ټول پټنځايونه له منځه يوړل شي.
 د مشرانو جرګې د نړيوالو چارو کمېسيون نن په کابل کې د امنيتي چارواکو او مدني بنسټونو په ګډون ناسته تر سره کړه او د دغه امنيتي قرارداد د عملي کولو د څرنګوالي په اړه يې پکې خبرې اترې وکړې.

کابل (پژواک،٢٠ لړم ٩٤): د ولسي جرګې ځينو غړو د هېواد امنيتي وضعيت د خرابېدو او د اوو ملکي وګړو د سر پرې کېدو په اعتراض کې د ملي شورا ګډې غونډې ته د ملي يووالي حکومت د مشرانو د وربللو غوښتنه وکړه.
د راپورونو له مخې، تېره اوونۍ  د داعش وسله والو د غزني ولايت جاغوري ولسوالۍ اووه اوسېدونکي وتښتول چې د لړم مياشتې په ١٧مه نېټه د ملا اختر محمد منصور او ملا منصور دادالله د وسله والو ډلو د نښتو په ترڅ کې داعش وسله والو له دغو کسانو د زابل د ارغنداب په سردرې سيمه کې سرونه پرې کړل.
د قربانيانو په منځ کې درى ښځې او يوه کوچنۍ نجلۍ هم شته.