ګوندونه

کابل(پژواک،٨وږى٩٢): د وحیدالله سباوون په مشرۍ متحداسلامي حزب د افغانستان د مفکورې، سلامتيا، ملي ګټو، امنيت ، ګډ ټولنيز اوسياسي ژوند په اړه په شپږو مادو کې يوه مشورتې طرحه وړاندي کړه.
دغه طرحه د متحد اسلامي حزب لخوا د تلې په ۸مه، په کابل کې دخير او صلاح ملي کنفرانس تر سرليک لاندي يوه غونډه وړاندې شوه.
په دغه غونډه کې دمتحد اسلامي حزب مشر وحيدالله سباوون لخوا د هيواد دراتلونکي په اړه په شپږو مادو کې يوه طرحه ګډونوالوته د سلاح مشورو لپاره وړاندي شوه.

کابل (پژواک ٧ تله ٩٢): يوه باوري سرچينه وايي، چې د لېږد بهير د تنظيم کمېسيون مشر ډاکټر اشرف غني احمدزي په راتلونکو ولسمشريزو ټاکنو کې د ګډون په موخه له خپلې دندې استعفا کړې ده.
يادې سرچينې پژوک خبري اژانس ته وويل، چې ډاکټر اشرف غني احمدزي نن له غرمې مخکې په رسمي او ليکلي ډول خپله استعفا ولسمشر ته وړاندې کړې ده.
سرچينې زياته کړه، افغان ځواکونو ته د امنيت د لېږد بهير مشر احمدزي، په راتلونکو ټاکنو کې د ګډون په موخه دغه چاره ترسره کړې ده.
لا نه ده جوته، چې ولسمشر حامد کرزي د نوموړي استعفا منلې که نه؟

کابل (پژواک ٤ تله ٩٢): د "بدلون څپه" سياسي خوځښت د خپل شتون د اعلان په لومړۍ ورځ وويل، چې له نوو څېرو سره به د راتلونکو ټاکنو د سياليو ډګر ته ووځي.
د بدلون څپې سياسي خوځښت د ملي شورا له يو شمېر غړو، سياسي کارپوهانو، د پوهنتون له استادانو، محصلينو، زده کوونکو او نورو څخه جوړ دى.
د بدلون څپې سياسي خوځښت مشرې فوزيې کوفي د دغه حرکت په پرانيست غونډه کې وويل، چې دغه حرکت له سياسي ګوندونو، مدني ټولنو، مخورو، قومي مشرانو، خپلواکو اشخاصو او ځوانانو سره په سلا جوړ شوى دى.
هغې وويل، چې د دغه حرکت جوړېدل درې اساسي موخې لري.

کابل ( پژواک ۲ تله ۹۲ ) : حزب اسلامي وایي چې له ډاکټر عبدالله سره د ولسمشر پر لومړي مرستیالۍ او ایتلاف خبرې روانې دي، خو تر اوسه وروستۍ پریکړې ته نه دي رسیدلي.
حزب اسلامي دا څرګندونې په داسې حال کې کوي چې د ټاکنیز اتحاد او ملي ایتلاف چارواکو نن رسنیو ته ویلي چې د حزب اسلامي مشر عبدالهادي ارغندیوال ورسره د لومړي مرستیالۍ خبره منلې او ایتلاف یې کړی دی.
سرچینو ویلي جې ددویمې مرستیالۍ لپاره د ولسي جرګې محمد محقق ټاکل شوی او هغه په همدې موخه نن د ولسي جرګې له غړیتوبه استعفی ورکړې ده.

کابل (پژواک،14 سنبله 92): ائتلافى به نام "مجمع تفاهم ملی" که از ده ها حزب و سازمان های اجتماعی تشکیل شده، ضمن اعلام مجودیت خويش گفت که در مورد کاندید انتخبات آیندۀ کشور، به زودی تصمیم خواهد گرفت.
محمد یاسین عصیم رییس تشکیلات مجمع تفاهم ملی، امروز درنشستى که به همین مناسبت در کابل دایر شده بود گفت که در این مجمع؛ نهضت همبستگی ملی، رسالت مردم، افغانستان واحد، آرمان مردم، آزادی و برابری، دیموکراسی، نهضت حاکمیت مردم افغانستان، جنبش دیموکراسی، رفاه وعدالت، و حزب حرکت ملی افغانستان شامل اند.
عصیم افزود که 110 سازمان اجتماعی نیز عضویت این مجمع را دارند.

کابل(پژواک ٣٠ زمرى ٩٢): د حکومت اپوزيسون ملي جبهه وايي، چې د افغانستان او امريکا ترمنځ د امنيتي تړون د لاسليک کېدو په اړه د لويې جرګې رابلل ناقانونه دي.
حکومت هوډ کړى، چې د افغانستان او امريکا ترمنځ د امنيتي تړون د لاسليک کېدو نهايي پرېکړه به د لويې جرګې له خوا تر سره کيږي.
ولسمشرۍ ماڼۍ ويلي، چې د افغانستان او امريکا تر منځ د امنيتي تړون د برخليک د معلومولو لپار به تر راتلونکو دوو مياشتو لويه جرګه راوبلل شي.
خو د حکومت اپوزيسون ملي جبهه وايي، چې د يادې لويې جرګې رابلل ناقانونه دي.

کابل (پژواک ١٤ زمری ٩٢): د "افغان سوسيال ډيموکرات ګوند" ټاکنو ته د احتمالي نوماند د پېژندلو پر مهال د ځينو هغو کسانو له مخالفت سره مخ شو، چې ځانونه يې د افغان ملت ګوند غړي بلل، غونډه ګډوډه او تر منځ يې فزيکي شخړه رامنځته شوه.
محمد امين واکمن چې د افغان سوسيال ډيموکرات ګوند مشري پرغاړه لري، ځان د افغان ملت اصلي ګوند بولي، خو يو شمېر نور دغه ادعا ردوي او وايي چې افغان ملت هغه ګوند دى، چې مشري يې ستانه ګل شېرزاد پرغاړه لري.
د افغان ملت ګوند افتخاري رياست د سوداګرۍ وزير انوارالحق احدي پر غاړه لري.

کابل (پژواک،٢٦غبرګولى ٩٢): يوه باوري سرچينه وايي، چې د ځينو ګوندونو له خوا راتلونکو ولسمشريزو ټاکنو ته د انوارالحق احدي پر نوماندۍ هوکړه شوې ده، خو په خپله احدي او ګوندونو د دې هوکړې پخلى لا نه دى کړى.
يادې سرچينې چې د نوم له ښودلو يې ډډه کوله، پژواک خبري اژانس ته وويل، د تېرې جمعې په ورځ (د غبرګولي ٢٤مه) د حاجي محمدمحقق په کور کې يو شمېر ګوندونو غونډه کړې او د احدي پر نوماندۍ يې موافقه کړې ده.

کابل (پژواک ٩ غبرګولى ٩٢): د حزب اسلامي مشر د دولت له وسله والو مخالفينو وغوښتل، چې د جګړې پر ځاى دې په ټاکنو کې برخه واخلي او له دې لارې واک ته د رسېدو هڅې وکړي.
د حزب اسلامي مشر او د اقتصاد وزير عبدالهادي ارغنديوال، چې نن يې په کابل کې د دغه ګوند له لوري په جوړه شوې غونډه کې خبرې کولې وويل، چې په ټاکنو کې برخه اخيستنه خلکو ته د چوپړ او واک ته د رسېدو غوره لاره ده.
ده ټولې هغه چاودنې او ځانمرګي بريدونه وغندل، چې له امله يې عامو خلکو ته مرګ ژوبله اوړي.
ارغنديوال زياته کړه: "چاودنې او بريدونه او د عامو خلکو وژل د دښمن ژرندې ته د اوبو اچول او د پرديو د تسلط دوام دى."

کابل ( پژواک ١١ غبرګولى ٩٢): د جمعيت اسلامي ګوند په راتلونکو ولسمشريزو ټاکنو دخپل پراخ ګډون خبر ورکړ او اعلان يې وکړ، چې دټاکنو ترسره کېدل دبدلون او سمون يواځينۍ لار ده .
د سولې د عالي شورا رييس او د جمعيت اسلامي ګوند سرپرست ددغه ټکي په څرګندولو له ټولو افغانانو او دخپل ګوند له غړو وغوښتل، چې دټاکنو دکارتونو لپاره دنوم ليکنې او کارت اخيستلو پروسه کې ګډون وکړي او سر له اوسه دې د راتلونکو ټاکنو په اړه تصميم اوچمتو والى ولري .