کابل (پژواک، ۳۰ سلواغه ۹۷): سیاسي ګوندونه او جریانونه د ټاکنیزو کمېسیونونو د غړو لرې کول پر ځای اقدام بولي، خو وايي چې د تخنیکي برخې مسوولین یې هم باید له دندو ګوښه او قانوني چلند ورسره وشي.
د شاوخوا ۳۰ ګوندونو او د مدني ټولنو د بنسټونو استازو نن په کابل کې د ناستې پر مهال د درېیم ځل لپاره د کابل رایو تفتیش د قانون خلاف وباله او ویې ویل چې دغه بهیر د سوداګریزو معاملو پیل دی.
دوی وايي، باید ژر تر ژره د کابل د رایو د تفتیش مخه ونیول شي او د کابل ټولې رایې دې لغوه اعلان شي.