Khost

کابل (پژواک ٤ زمرى ٩٠): دخوست ولايتي شورا دفتروروسته له هغه بېرته خلاص شو، چې ناټو ځواکونود دې ولايت د مرکز متون په سيمه کې د عملياتو پرمهال د بې ګناه وژل شويو کسانو له کورنيو، ولايت، ولايتي شورا او دخوست لهولسڅخه رسمي بښنه وغوښته.
دغه عمليات د چنګاښ په ۲۲مه،د خوست د مرکز اړوند د متونسيمې په تورې وړۍ کېترسرهشويو،چې له امله يې شپږ کسان وژل شوي او دوه نورټپيان وو.
په وژل شويو کې ۲دولتي مامورين، دوهتنکي زده کوونکي، يو ښوونکىاو بل دوکاندار شامل وو.

خوست ښار(پژواك ۲۳ چنګاښ ۹۰): د خوست ولايتي شورا، د دغه ولايت په مرکز کې د ګډو ځواکونو د تېرې شپې د عملياتو په غبرګون کې، خپل د فتر وتاړه.
د ځايي چارواکو او د خلکو د معلوماتو له مخې تېره شپه د خوست ښار د متون سيمې په تورې اوړي کلي کې د ګډو ځواکونو په عملياتو کې د ماشومانو او ښځو په ګډون شپږ ملکي وګړي وژل شوي او دوه ټپيان دي، خو ايساف وايي، دوى په ياد کلي کې د حقاني ډلې وسلوال وژلي او يوه مېرمن ټپي شوې ده.
د خوست د ولايتي شورا رييس مراد خان منګل د چنګاښ په ۲۳مه پژواك خبري اژانس ته وويل، چې په بېګانۍ پېښه كې وژل شوي ټول ملكي وګړي دي.

خوست ښار (پژواک ٢٣ ورى ٩٢): په خوست کې د اسمعيل خېلو او مندوزيو ولسواليو سلګونو قومي مشرانو د يوې غونډې په ترڅ کې د رڼو ټاکنو د ترسره کېدو غوښتنه وکړه.
د  قومي مشرانو دغه غونډه په خوست کې د افغانستان د قومونو پيوستون شورا په دفتر کې جوړه شوې وه.
د اسمعيل خېلو او مندوزيو قومي مشرانو په استازيتوب احمدګل د راتلونکو ټولټاکنو په تړاو وويل، داسې نوماند ته  بايد رايه ورنه کړل شي، چې ولس هېر کړي او ټول پام يې شخصي ګټو ته وي.
ټاکل شوې د ولسمشرۍ او ولايتي شوراګانو لپاره ټاکنې د ١٣٩٣ کال په وري مياشت کې ترسره شي.