Khost ملي شورا

خوست ښار (پژواک، ٣ تله ۹۷): د کلتوري ستونزو او د عامه پوهاوي نشتوالي له امله په خوست کې د ګوتو په شمېر ښځو د ولسي جرګې او ولسوالۍ شوراګانو لپاره ځانونه نوماند کړي دي.

خوست ښار (پژواک، ١٤ ورى ٩٤): په ولسي جرګه کې د خوست د خلکو استازي، د ولايتي شورا ځينو غړو او مدني فعالانو د دغه ولايت سرپرست والي عبدالجبار نعيمي له ترهګرو سره په اړيکه تورن کړ او له ولسمشره يې وغوښتل چې د هغه په ګډون د بريد ټول عاملين محاکمه کړي.
دغه بريد پرون (د وري ١٣مه) له غرمې مخکې شاوخوا لس بجې د ولايت مقام ته څېرمه د سرپرست والي عبدالجبار نعيمي د کور شا ته شوي، چې له امله يې د دوو قومي مشرانو په ګډون ٢٠ کسان وژل شوي او ٦٢ نور ټپيان دي.
خود ولسي جرګې غړى کمال ناصر اصولي وايي چې په دغه بريد کې ٢٢ تنه وژل شوي دي.

خوست ښار ( پژواک، ١١ ورى ٩٤ ) : د حاجي دين محمد په مشرۍ يوه لوړ پوړي دولتي پلاوي په خوست ولايت کې د يو شمېر وکيلانو او ولايت مقام ترمنځ د رامنځته ستونزې د هواري هڅې پيل کړې دي.
په ولسي جرګه کې د خوست د دوو وکيلانو همايون همايون او کمال ناصر اصولي په مشرۍ ددې ولايت يو شمېر مدني ټولنو سرپرست والي عبدالجبار نعيمي پر فساد تورن کړى او دهغه د لرې کولو لپاره يې مدني حرکتونه پيل کړي دي.
دوى د ولايت مقام مخې ته خېمې وهلي او په لومړۍ ورځ يې دولتي مامورينو ته هم اجازه نه وه ورکړې، چې دندو ته لاړ شي.

خوست ښار (پژواک، ٢١ کب ٩٣ ) : د خوست په شيخ زايد پوهنتون کې د کانديد اکاډميسن سرمحقق محمد صديق روهي د زوکړې د اتيايمې کاليزې په وياړ علمي سيمينار جوړ شو.
په دې سيمينار کې چې د کب په ٢١مه، جوړ شوى و، د خوست چارواکو، د کابل او ځينو نورو ولايتونو کې علمي شخصيتونو او فرهنګيانو سربېره د ولسمشر فرهنګي سلاکار اسدالله غضنفر، د علومو اګاډمۍ ځينو غړو او دغه راز نورو سلګونو تنو ګډون کړی وو.
محمد صديق روهي د خوست د اسماعيل خېلو ولسوالۍ اوسېدونکی و، چې د علم او فرهنګ په غوړېدا کې يې د سلګونو کتابونه پر ليکلو او نورو هلو ځلو سره ډېر کار کړی دى.

خوست (پژواک ٢٨ مرغومى ٩٣): د خوست ولايت يو شمېر اوسېدونکو له ولسي جرګې غوښتنه وکړ، چې د کابينې لپاره نوماند وزيرانو ته د رايې په ورکړه کې له دقت څخه کار واخلي.
د شيخ زايد پوهنتون د حقوقو او سياسي علومو له پوهنځي فارغ منورخان له پژواک خبري اژانس سره په خبرو کې د ولسي جرګې پر غړو غږ وکړ، چې له فشار پرته نوماند وزيرانو ته د بارو رايه ورکړي.
ده اندېښنه څرګنده کړه، ښايي ځينې ګاونډوي هېوادونه په ولسي جرګه کې نفوذ ولري او پلويان يې هغه وزير ته رايه ورکړي، چې په افغانستان کې يې ګټې خوندي کوي.

کابل (پژواک،٢٦ورى٩٣): يو غږيز کلېپ ښيي ، چې د ولسي جرګې غړي، کمال ناصر اصولي هڅه کړې د خوست ولايت د ټاکنو يو کارکوونکى علي ګل لمر نيازى راضي کړي، ترڅو دده د خوښې کانديد په ګټه د وري ١٦ مې په ټاکنو کې درغلۍ ته لاره هواره کړي.
پژواک خبري اژانس ته رالېږل شوى، غږېز کلېپ څرګندوي ، چې کمال ناصر اصولي د ټاکنو له دغه کارکوونکي سره په ټاکنو کې د درغلۍ کولو پر سر خبرې کوي او هڅه کوي ، چې نيازى راضي کړي، ترڅو د ټاکنو په ورځ دده د خوښې کانديد په ګټه فعاليت وکړي.