خوست ( پژواک ۱۶چنګاښ ٩٢ ) : د خوست چارواکي وايي، چې د دغه ولايت د خلکو اقتصاد اتيا سلنه په کرنې او مالدارۍ ولاړ دی.
هغوی وايي، که څه هم چې د کرنې او سوداګرۍ په برخو کې يو لړ پرمختګونه شوي؛ خو لا هم په دې برخه کې ډېر کارته اړتيا شته.
کرنه :
د دغه ولايت د کرنې او مالدارۍ سرپرست رييس ډاکټر عبدالرحيم پژواک اژانس ته وويل، چې که د کرنې او مالدراۍ اړخ ته پاملرنه وشي او د اوبو د کمښت له پلوه د ځمکوالو او مالدارو اړتيا پوره شي، کرنيز اقتصاد به نور هم وغوړېږي.
