Kabul

کابل (پژواک ٤ غبرګولى ٩٢): په قانون کې د "پوهنتون او دانشګاه او پوهنځي او دانشکدې" کلمو د کارولو په اړه نن بيا په ولسي جرګه کې بې پايلې بحثونه وشول او پر سر يې د جرګې دوو ښځينه غړو فزيکي شخړه وکړه.
د عدليې وزارت شاوخوا ٧ کاله وړاندې د لوړو زده کړو قانون مسوده د تصويب په موخه ولسي جرګې ته وړاندې کړه.
په تېرو څو کلونو کې څو ځلې د ولسي جرګې په غونډو کې پر دې طرحه بحث شوى، خو هر ځل په اختلافي توکو د بحث په لړ کې د جرګې د ځينو غړو تر منځ لفظي او څو ځلې فزيکي شخړې شوې دي.
د جرګې يو شمېر غړي ټينګار کوي چې په دري ژبه بايد پوهنتون ته دانشګاه او پوهنځي ته دانشکده وويل شي.

  کابل(پژواک ٤ غبرګولى ٩٢): دکورنيو چارو وزارت اعلان وکړ، چې افغان امنيتي ځواکونه د ولسمشرۍ او ولايتي شوراګانو د راتلونکو ټولټاکنو لپاره د رايې ورکوونکو پروسې د امنيت خوندي کولو لپاره پوره چمتووالى لري او په دې برخه کې بايد اندېښنه ونه شي .
 تېره اونۍ د ټاکنو خپلواک کمېسيون د ولسمشرۍ دټولټاکنو او رايې ورکوونکو لپاره دکارتونو وېش پروسې له امنيت څخه اندېښنه ښودلې ده .د ولسمشرۍ او ولايتي شوراګانو   لپاره د نوم ورکوونکو دنوم ليکنې پروسه سبا ته ( غبرګولى ٥ مه ) پيلېږي .
 ټاکل شوې ، چې په دغه پروسه کې د رايې ورکولو په شرايطو برابرو څلورميليونه کسانو ته د رايې کارتونه ورکړل شي .