کابل ( پژواک، ۱۰ ليندی ٩٢ ) : د کابل ښار اوسېدونکي د بيارغونې په برخه کې له شويو کارونو څخه خوښ دي، خو د ولسواليو اوسېدونکي بيا پخپلو سيمو کې د بيارغونې په برخه کې شکايتونه لري او زياتوي ، چې د بيارغونې په برخه کې ډېر کار نه دى شوى.
په کابل ښار کې دوه ډوله بيارغونه شوې ده، يو يې په خصوصي کچه او بله يې په دولتي کچه .
دغه ښار ٢٢ ناحيې لري، په دې ناحيو کې لويې لويې ودانۍ، اپارتمانونه ، مارکېټونه او ګڼ شمېر ښارګوټي په خصوصي او دولتي کچه جوړي شوي دي.
