Balkh

 
مزارشريف(پژواک،١١غبرګولى٩٣):يو شمېر ديني عالمان وايي، چې ځينې ګاونډي او غربي هېوادونه د سولې پروسه کې خپلې ګټې لټوي، چې له امله يې دغه پروسه تر دې دمه ناکامه ده.
ديني علماوو دا څرګندونې په مزارشريف ښار کې داخندزاده سيف الرحمن مشهور په"پيرارچي"په څلورم تلين کې وکړې، چې د بېلا بېلو ولايتونو ديني عالمانو په کې برخه اخيستې وه.
د يادې غونډې په څنډه کې په ولسي جرګه کې د بلخ استازي او د دغه ولايت د يني عالم مولوي عبدالرحمان رحماني پژواک ته وويل، چې لا هم په افغانستان کې د سولې په موخه روانو هڅو هېڅ پايله نه ده ورکړې.

 
مزارشريف (پژواک،٧غبرګولى٩٣): د افغانستان د سرحدي ځواکونو عمومي قوماندان وايي، چې پاکستان د ټاکنو د دويم پړاو د ګډوډولو په موخه پر افغان خاوره بريدونه کوي.
د افغانستان د سرحدي ځواکونو عمومي قوماندان دغه څرګندونې نن په مزار ښار کې د شمال زون د سرحدي ځواکونو د قوماندان د بدلون او نوي قوماندان د معرفي کېدو په موخه په جوړه شوې غونډه کې وکړې.
د کورنيو چارو وزارت له خوا د شمال زون د سرحدي قوماندان جنرال مموزي پر ځای د شمال زون د نظم عامې د درېيمې لوا قوماندان مل پاسوال محمد نعيم حيدري وټاکل شو.

 
مزارشريف (پژواک ٤ غبرګولى ٩٣): د بلخ ولايت په مرکز مزارشريف ښار کې د ځينو مدني ټولنو د لسګونو غړو په ګډون د ټاکنو د عامه پوهاوي په اړه غونډه وشوه.
د ټاکنو په اړه د عامه پوهاوي دا غونډه د غبرګولي په ۴مه د مرستې او ګړندۍ پراختيا موسسې له خوا جوړه شوې وه.
د يادې موسسې د څار او ارزونې د څانګې مسوولې زهرا ضيا پژواک خبري اژانس ته وويل، د دوی موخه عامو خلکو ته د ټاکنو د ارزښت په ډاګه کول او په ټاکنو کې برخې اخيستو ته هڅول دي.