Special Reports

بلخ (پژواک،٢٨ليندۍ٩٢): په بلخ ولايت کې د ترسره شويو سروې ګانو له مخې، په دې ولايت کې د نفتو سترې زيرمې، د سيمنټو خام مواد، د ښيښو ترکيبي مواد(کرود)، ګچ او سلفرو کانونه شته دي، چې په ځينو کانونو کې د استخراج چارې روانې دی او يو شمېر نور همداسې پاتې دي.
١ – د افغان تاجک نفتي حوزه:
د افغان تاجک د نفت او ګازو حوزه، چې په شمال او شمال ختيځ زونونو کې له تخار څخه تر جوزجان ولايت پورې ۳۱ زره متره اوږدوالی لري، پرته ده. دوه کاله وړاندې د کاناډا د نفت او ګازو د ټراسايز کمپنۍ له خوا يې سروې بشپړ شوه، چې دنفتو او ګازو ١٢بلاکونه مشخص او تثبت کړل.

مزارشريف ( پژواک ۲۱ غبرګولى ۹۲): د بلخ امنیتي چارواکي وايي، چې د تېرو کلونو په پرتله په دې ولایت کې امنیتي وضعیت ښه شوی دی.
هغوی وايي، د امنیتي وضعیت د ښه کېدو لامل، د سیمه ییزو پولیسو جوړېدل، له پولیسو سره د خلکو مرسته او د ملي پولیسو هڅې دي.
امنیتي چارواکي دا هم وايي، چې په دې ولایت کې د وسله والو واړه بریدونه او نور فعالیتونه هم اوس له منځه تللي دي.
د بلخ د امنيه قوماندانۍ د امنيت امر سمونوال عبدالرزاق قادري وايي، چې دغه ولایت له پخوا نه په بشپړ ډول نا امنه شوی نه دی؛ خو کومې وړې امنیتي پېښې چې کېدې هغه هم له منځه تللې دي.

مزارشريف ( پژواک ۲۴ غبرګولی، ۹۲) په تېرو څو کلونو کې د بلخ ولايت په مرکز مزارشريف ښار او ولسواليو کې د روغتيا، پوهنې، ښارجوړونې، کرنې او نورو برخو کې سلګونه سترې او وړې پروژې عملي شوې دي.
د بلخ ولايت د والي وياند منير فرهاد پژواک خبري اژانس ته وويل، چې په دغه ولايت کې په وروستيو دوه کلونو کې د بيارغونې په برخه کې د پام وړ چارې تر سره شوې دي.
نوموړي زياته کړه، چې په تېرو دوو کلونو کې د پوهنې په برخه کې په مرکز او ولسواليو کې ۱۰۰ لېسو، منځنيو او لومړينو ښوونځيو ته ودانۍ جوړې شوې دي.

مزارشريف ( پژواک ۲۷ غبرګولي ۹۲ ): په بلخ کې که څه هم چې د پوهنې په برخه کې پرمختګونه شوي؛ خو د مسلکي ښوونکو او کتابونو کمښت او په ځينو ولسواليو کې د ښوونځيو د ودانيو نشتوالی، ددغه ولايت د پوهنې د بهير پر وړاندې مهم خنډونه دي.
د بلخ د پوهنې رياست مرستيال لاجمير افغانزوی وايي، چې په دغه ولايت کې د دارالمعلمين، انسټيټيوټونو او د سواد زده کړې کورسونو په ګډون ۵۰۴ تعليمي ادارې موجودې دي،چې پنځلس سلنه يې ودانۍ نه لري.
نوموړي زياته کړه، چې په دغو تعليمي ادارو کې ۱۰۱۹۹رسمي ښوونکي په تدريس بوخت دي، چې ۵۹۷۴ يې نارينه او ۴۲۲۵ يې ښځينه دي.

مزارشريف ( پژواک د چنګاښ ٢مه، ۹۲ ) : د بلخ ولايت چارواکي وايي، چې د دغه ولايت له ۸۵سلنې څخه د ډېرو وګړو اقتصادي ژوند کر او کروندې له لارې پر مخ ځي؛ خو لا هم په دغه برخه کې د کروندګرو بنسټيزې ستونزې نه دي حل شوي.
که څه هم د کرنې په برخه کې د ځينو نهرونو د جوړېدو، د پروسس د فابريکو د جوړېدو، د باغونو د ايښودو او د کرنيزو محصولاتو لپار د مارکېټ پيدا کېدو له امله کرنيزې چارې ګړندۍ شوي؛ خو د کرنيزو اوبو د خورا کمښت ستونزه لا هم پر ځای پاتې ده، چې له امله يې هر کال د دغه ولايت نږدې ۶۰سلنه کرنيزه ځمکه له کر څخه پاتې کېږي.
کرنه: