مزارشريف (پژواک، ٢٤ وږى ٩٣ ): د بلخ ولايت د بېلابېلو مدني ټولنو غړي وايي، چې د ولسمشريزو ټاکنو لانجې د افغانستان حيثيت په نړيواله کچه زيانمن کړى دى.
دوی وايي، په تمه و، چې په افغانستان کې به په لومړي ځل د سياسي لېږد چارې په ښه سياسي او ديپلوماتيکه توګه تر سره شي، خو داسې ونه وشوه.
د بلخ ادبي خوځښت غړي او د ښوونې او روزنې پوهنځي استاد غلام بشير پژواک خبري اژانس ته وويل، چې څو مياشتې وړاندې داسې انګېرل کېده، چې افغانستان به په سيمه کې د سياست نوی باب پرانيزي، خو داسې ونه شول.