Balkh د ولايتي شوراګانو ټاکنې

مزارشريف- اسعداباد (پژواک، ٢١ وږى ٩٤): په بلخ او کونړ ولايتونو کې هم زرګونو کسانو په تذکرو کې د افغان کلمې په ننګه لاريونونه وکړل.
د بلخ په مرکز مزارشريف ښار کې نن سهار (د وږي ٢١مه) لاريون پيل شو، د ښار له بېلابېلو سيمو سلګونه لاريون کوونکي چې په کې پښتانه، ازبک، هزاره، سادات او د نورو قومونو خلکو په کې ګډون کړى و، د کابل- مزار پر لويه لاره فردوسي څلورلارې ته راټول شول.
لاريون کوونکي چې شمېر يې تر دريو زرو ډېر و، له يادې څلورلارې د ولايتي شورا تر دفتر پورې په داسې حال کې ولاړل چې له ځان سره يې بېلابېل شعارونه لېږدول.

مزارشريف (پژواک، ٥ وږى ٩٤): د  بلخ ولايت د ولايتي شورا رييس وايي چې د حکومت د مشرانو تر منځ اختلاف په هېواد کې د نا امنۍ او اداري فساد د ډېرېدو ستر لامل دی.
د ولايتي شورا مشر محمدابراهيم خير اندېش په مزارشريف ښار کې د يوې غونډې په ترڅ کې پژواک خبري اژانس ته وويل چې ورځ تر بلې په هېواد کې نا امني او اداري فساد مخ په ډېرېدو دي.
نوموړي زياته کړه چې په افغانستان غوندې هېواد کې امنيت تر ټولو جدي اړتيا ده؛ خو د دې خاورې خلک ترې برخمن نه دي.
د هغه په وينا، لا هم د امنيت راوستو او د فساد د مخنيوي لپاره لازمې هڅې نه دې شوې؛ که نه ضرور به يې نتيجه ورکوله.

لښکرګاه (پژواک، ۸ زمری ۹۴): د هلمند ولايتي شورا وايي چې په امنيتي ځواکونو کې د نه همغږۍ له امله نوزاد ولسوالۍ سقوط کړى دى.
د دغه ولايت د ولايتي شورا  مرستيال عبادالله  عليزي د زمري په ٨مه پژواک خبري اژانس ته وويل چې طالبانو له څو ورځو راهيسې پر نوزاد ولسوالۍ  بريدونه پيل کړي وو.
نوموړي زياته کړه،که چېرې امنيتي ځواکونه په خپلو کې همغږي ونه کړي  او ژر تر ژره نوزاد ولسوالي بېرته  له وسله والو ونه نيسي، نو نږدې ده چې نورې شمالي ولسوالۍ هم د طالبانو لاس ته ولويږي.

مزارشريف (پژواک، ٧ چنګاښ ٩٤): د الکترونکي تذکرو د وېش په اړه د بلخ د بېلابېلو مدني ټولنو فعالين سره يوه خوله نه دي.
د دغه ولايت په مرکز مزارشريف ښار کې د مدني ټولنو يو شمېر فعالينو د غونډې په ترسره کولو په هېواد کې د الکترونيکي تذکرو د ژر وېش غوښتنه وکړه.
خو د همدغه ولايت ځينو نورو مدني فعالينو چې په ياده غونډه کې يې برخه نه وه اخيستې د شته امنيتي ستونزو له امله د الکترونيکي تذکرو وېش په هېواد کې د سياسي جنجالونو د راپيدا کېدو لامل وباله.