کندهار (پژواک ٢٥ غبرګولى ٩٣): خلک او چارواکي وايي، چې په کندهار ولايت کې د تېر په پرتله په دويم پړاو ټاکنو کې ستونزې کمې وې او دغه پروسه په ښه توګه ترسره شوه.
که څه هم پرون د ټاکنو په ورځ شاوخوا ١١ بجې اوه ځانمرګي بريد کوونکي د کندهار ښار د درېيمې ناحيې اړوند د پاچا خان جادې په سيمه کې د استوګنې يوه بلاک ته ختلي وو، خو د امنيتي ځواکونو له خوا په کلابندۍ کې وساتل شول او کله چې ټاکنې پاى ته ورسېدې، عمليات ورباندې پيل شول، چې اوس هم دوام لري.