Kandahar ټاکنیز خبرونه

کندهار (پژواک، ۳۰ غبرګولی ۹۸): په کندهار کې د ولسمشرۍ ټاکنو لپاره د تقویتي نوم لیکنې په پروسه کې د ښځو ونډه کم رنګه ده او تر دې مهاله ۱۹۲ ښځو نوم لیکنه کړې ده.

کندهار (پژواک، ۱۸ غبرګولی ۹۸): په کندهار کې د ټاکنو د خپلواک کمېسیون چارواکي وايي، د ولسمشرۍ ټاکنو اړوند د تقویتي نوم لیکنې لپاره به په کندهار ښار او ټولو ولسوالیو کې ۲۸ مرکزونه پرانیستي وي.
د هېواد د نورو ولایتونو په څېر نن د غبرګولي په ۱۸مه په کندهار کې هم د ولسمشرۍ ټاکنو لپاره د تقویتي نوم لیکنې لړۍ پيل شوه.
په دغه مراسمو کې د کندهار مرستیال والي عبدلحنان منیب، د کندهار د ټاکنو خپلواک کمېسیون مشر هاشم دراني، د ولایتي شورا غړو او نورو چارواکو ګډون کړی وو.

کندهار (پژواک، ۱۰ سلواغه ۹۷): که څه هم کندهار کې د ټاکنیزو شکایتونو د کمېسیون مشر وايي چې د دې ولایت د ټاکنو کمېسیون مشر ډاکټر نعمت الله وردګ له دندې لرې شوى او څارنوالۍ ته ور پېژندل شوی، خو هغه خپلې دندې ته دوام ورکوي.

کندهار (پژواک، ۱۷ مرغومی ۹۷): په کندهار کې د ټاکنیزو شکایتونو دفتر چې د ولسي جرګې د معترضو نوماندانو له خوا د اعتراض په توګه تړل شوی و، نن بېرته پرانیستل شو.
معترضو نوماندانو چې وار له مخه یې د ټاکنو د خپلواک کمېسیون دفتر هم تړلی، څو ورځې مخکې له هغه وروسته د ټاکنیزو شکایتونو د کمېسیون د دفتر دروازه هم وتړله چې د دوی په وینا، شکایتونو ته یې رسېدنه نه کېږي.
دوی غوښتنه کوله چې له بایومټریک پرته کارول شوې رایې نه مني او پاکې رایې دې له ناپاکو رایې بېلې شي.