کندهار ( پژواک، ١٢ زمرى ٩٤ ) : د کندهار ديني عالمانو، مخورو او د مدني ټولنې استازو د طالبانو د نوي مشرتابه له خوا په هېواد کې د جګړې د دوام حکم په سختو ټکو وغانده او له هغه يې وغوښتل چې د سولې خبرې روانې وساتي.
له هغه وروسته چې د ملا عمر د مړينې خبرونه خپاره شول، وسله والو طالبانو د يوې خبرپاڼې په خپرولو سره ملا اختر محمد منصور د نوي مشر، مولوي هيبت الله اخوندزاده او سراج الدين حقاني د مرستيالانو په توګه وټاکل.
ملا اختر محمد منصور په خپله لومړنۍ وينا کې چې رسنيو ته هم لېږل شوې، د سولې له پروسې سره مخالفت ښودلى او دا يې د دښمن تبليغات ګڼلي دي.