کابل (پژواک ٦ غبرګولى ٩٣): ډاکټر اشرف غني احمدزي په کابل کې له يو شمېر محصلينو سره يو ځاى په يوه غونډه کې وويل، چې که چېرې په راتلونکو ټاکنو کې بريالى شي نو د وړتيا او استعداد له مخې به د دولت ټول کارکوونکي استخدام کړي، نه د واسطې او اړيکو له مخې.
احمدزي زياته کړه، چې تر ټولو ښه پانګونه د ځوانانو د پوهنې په برخه کې د هغوى راتلونکي ته پانګونه ده.
نن د ډاکټر اشرف غني احمدزي او د پوهنتونونو د استادانو او محصلينو تر منځ د کابل په انټرکانټننټال هوټل کې يوه ګډه ناسته تر سره شوه.