2014

کابل  ( پژواک، ١٦ ليندۍ ٩٤ ) : د امريکا ولسمشر بارک اوباما وايي چې داعش د غلو يوه ډله ده، چې له اسلام سره هېڅ تړاو نه لري.
اوباما دغه څرګندونې تېره شپه په واشنګټن کې د تلوېزيون له لارې امريکايي ولس ته په خپله وينا کې کړې دي.
نوموړي دغه ‌څرګندونې وروسته له هغه وکړې چې تېره اوونۍ د امريکا په کليفورنيا ايالت کې يوه وسله وال تن پر خلکو ډزې کړې وې او ١٣ کسان يې وژلي وو.
اوباما په خپله وينا کې زياته کړې : (( د  داعش پر ضد جګړه، اسلام سره جګړه نه ده، ترهګري د سرطان په څېر ده او ترهګرۍ په حقيقي توګه ګواښ رامنځته کړى دى.))

کابل(پژواک،١٦ لړم ٩٤): د پنځو ولايتونو واليانو په ولايتونو کې د سرپرستيو چاره د سياسي لاسوهنو لامل بولي چې د ولسمشر د لارښوونې له مخې به، د مالي کال تر پاى ته رسېدو پورې   په ولايتونو کې  د سرپرستۍ نظام پاى ته ورسول شي.
 د ولسمشر غني د نوې لارښوونې له مخې، له دې وروسته واليان  په نوبتي ډول د کابينې په غونډو کې ګډون کوي، د خپلو ولايتونو لومړيتوبونه او ستونزې له وزيرانو سره په انفرادي ډول شريکوي او وروسته په کابينې کې پرې بحث او تصميم نيول کېږي.