Wardak

کابل (پژواک ٢٠غبرګولى ٩٢) : په ميدان وردګو کې که څه هم د پوهنې بهير د مخکې په پرتله په بې ساري توګه پرمختګ کړى ، خو د ښوونکو او ښوونځيو د ودانيو کموالى او په ځينو سيمو کې ناامنۍ اوس هم ددغه بهير پروړاندې ستر خنډونه دي.
ددغه ولايت د والي وياند عطاالله خوږياڼى وايي ، په ميدان وردګو کې ټول ٤٥٠ښوونځي او تعليمي مرکزونه فعال دي ، چې ١٧٢٨٩٢ تنه په کې په زده کړو بوخت دي او د ٤٧٢٩ ښوونکو له خوا ورته زده کړې ورکول کيږ ي ،چې ٣٤٥ښوونکې يې ښځينه دي.

کابل (پژواک د چنګاښ لومړۍ نېټه ٩٢) : د ميدان وردګو چارواکي وايي ، چې په دغه ولايت کې يې د خلکو د اقتصادي پياوړتيا په موخه اساسي پروګرامونه پيل کړي ، خو اوسېدونکي يې  له بې روزګارۍ ، د فابريکو او نورو توليدي مرکزونو له نه شتون څخه سر ټکوي .
د ميدان وردګو د والي وياند عطاالله خوږياڼى وايي ، چې په دغه ولايت کې يې د خلکو د اقتصادي پياوړتيا په موخه د ادارو او سوداګرو په هڅونه داسې اساسي کارونه پيل کړي ، چې له امله به يې په دغه ولايت کې  د خلکو اقتصاد ښکاره او د پام وړ وده وکړي.