کابل (پژواک ٢٠غبرګولى ٩٢) : په ميدان وردګو کې که څه هم د پوهنې بهير د مخکې په پرتله په بې ساري توګه پرمختګ کړى ، خو د ښوونکو او ښوونځيو د ودانيو کموالى او په ځينو سيمو کې ناامنۍ اوس هم ددغه بهير پروړاندې ستر خنډونه دي.
ددغه ولايت د والي وياند عطاالله خوږياڼى وايي ، په ميدان وردګو کې ټول ٤٥٠ښوونځي او تعليمي مرکزونه فعال دي ، چې ١٧٢٨٩٢ تنه په کې په زده کړو بوخت دي او د ٤٧٢٩ ښوونکو له خوا ورته زده کړې ورکول کيږ ي ،چې ٣٤٥ښوونکې يې ښځينه دي.
