کابل ( پژواک ٢٨ غبرګولى ٩٢ : که څه هم چې په تېرو لسو کلونو کې په ميدان وردګو ولايت کې په سلګونه د بيارغونې لويې او وړې پروژې پلې شوي، خو ددغه ولايت اوسېدونکي شوي کارونه لږ او د قناعت وړ نه بولي .
د ميدان وردګو ولايت د کليو د پراختيا رياست د معلوماتو په اساس، له تېرو شاوخوا لسو کلونو راهيسې ١٧٦٧بېلابېلې پروژې ددغه ولايت په ټولو اداري واحدونو کې د خلکو په خوښه او غوښتنه پلې شوې دي.
دغه رياست زياتوي، چې ٢٧١پروژې تر کار لاندې دي او ٤٦٣ نورې پروژې به په نږدې راتلونکي کې په ټولو ولسواليو کې پيل شي .
