کابل (پژواک د چنګاښ لومړۍ نېټه ٩٢) : د ميدان وردګو چارواکي وايي ، چې په دغه ولايت کې يې د خلکو د اقتصادي پياوړتيا په موخه اساسي پروګرامونه پيل کړي ، خو اوسېدونکي يې له بې روزګارۍ ، د فابريکو او نورو توليدي مرکزونو له نه شتون څخه سر ټکوي .
د ميدان وردګو د والي وياند عطاالله خوږياڼى وايي ، چې په دغه ولايت کې يې د خلکو د اقتصادي پياوړتيا په موخه د ادارو او سوداګرو په هڅونه داسې اساسي کارونه پيل کړي ، چې له امله به يې په دغه ولايت کې د خلکو اقتصاد ښکاره او د پام وړ وده وکړي.
