Wardak

وروستي خبرونه

Languages

د ميدان وردګو نوماندان : بايومټريک شوې رایې دې له تقلبي راي...

By: جاويد هميم کاکر , Date:29/10/2018

کابل ( پژواک، ٧ لړم ٩٧) : په ميدان وردګو ولايت کې د ولسي جرګې لپاره نوماندانو د شکايتونو له کمېسيون څخه وغوښتل چې بايومټريک شوې رایې دې له تقلبي رايو څخه جلا کړي. ددغه ولايت د والي وياند عبدالرحمن منګل... پاتی برخه

ویډیویی خبرونه

Currently there are no video news of Wardak.To see other videos

View All

ميدانښار ( پژواک ۶ لړم ۹۳) : د ميدان وردګو ولايتي شورا يو پخوانی غړی شېرشاه بازون وايي ، چې له دغه ولايت څخه ولايتي شورا ته راغليو کسانو په انتخابي ډول نه، بلکې په انتصابي بڼه لاره پيدا کړې ده.
د ولايتي شوراګانو د ټاکنو پايلې تر نږدې اوو مياشتو ځنډ وروسته دلړم په څلورمه اعلان شوې، چې يو لړ غبرګونونه يې له ځانه سره لرل.
بازون د لړم په ۶مه پژواک اژانس سره په ځانګړو خبرو کې وويل: (( هغه کسان چې مادي امکانات يې درلودل،د ټاکنو کمېسيون په مرسته ورته صندوقونه ډک شوي دي.))

ميدانښار (پژواک ۲۵ وږی۹۳) : د ميدان وردګو ولايت د ولايتي شورا يوه نومانده حليمه عسکري وايي، چې پر خپلې نوماندۍ پښېمانه ده.
عسکري دغه څرګندونې پژواک خبري اژانس سره په يوې ځانګړې مرکه کې کړې دي.
هغې زياته کړه : (( د ټاکنو د پايلو ځنډ او د ټاکنيزو شخړو رامنځته کېدو ولايتي شورا ته پر نوماندۍ پښېمانه کړې يم.))
نوموړې وويل،د ولسمشرۍ ټاکنيزو لانجې له امله د ولايتي شورا د نوماندانو پايلې هم ځنډېدلې دي، په داسې حال کې،چې بايد دغه پايلې له وړاندې اعلان شوې واى .

مېرمن عسکري : ولايتي شورا ته پر نوماندۍ پښېمانه يم

کابل (پژواک ٦ چنګاښ ٩٣): د ميدان وردګو والي وايي، چې د اصلاحاتو او همپالنې د ټيم له خوا خپرې شوې خبرې د ده دي خو تحريف شوې او له ياد ټيم څخه يې وغوښتل چې د دغو خبرو بشپړ جريان نشر کړي.
تېره ورځ د ولسمشرۍ د نوماند ډاکټر عبدالله عبدالله په مشرۍ د اصلاحاتو او همپالنۍ ډلې يوه غړي عبدالجبار شلګري په کابل کې د يوې خبري غونډې پر مهال وويل، چې د ميدان وردګو والي عبدالمجيد خوګياڼي د ولسمشرۍ په دويم پړاو ټاکنو کې د اشرف غني احمدزي په ګټه درغلي کړې ده.

My conversation distorted, claims Khogyani

ميدان ښار (پژواک ۲ چنګاښ ۹۳): په ميدان وردګو ولايت کې د شکايتونو خپلواک کمېسيون چارواکي وايي چې تر اوسه د ولسمشرۍ د ټاکنو په اړه ۶۲ بېلابېل شکايتونه يې ثبت کړي دي.
د ميدان وردګو د ټاکنيزو شکايتونو خپلواک کمېسيون د دارالانشا رييس حيات الله حامد د چنګاښ په ۲ مه پژواک خبري اژانس ته وويل چې دوی په دغه ولايت کې ۶۲ شکايتونه له ځان سره ثبت کړي دي.
هغه زياتوي، دغه شکايتونه چې ۳۵ يې دوی ثبت کړي او ۲۳ نور يې په مرکزي دفتر کې ثبت شوي، چې د څېړنو په موخه له مرکزي دفتر څخه ورته رالېږدول شوي دي.

ميدان وردګو کې دا ځل د تېر په پرتله د رايې ورکوونکو شمېر ٢٥سلنه زيات وو

ميدانښار ، محمود راقي ( پژواک ۲۵ غبرګولی ۹۳) : د ميدان وردګو ولايت چارواکي وايي، چې دا ځل ٢٥ سلنه زياتو خلکو په ټولټاکنو کې برخه اخيستې وه.
ددې ولايت د ټولټاکنو د خپلواک کمېسيون رييس انجنير نورالله پيغام د غبرګولې په ۲۵ مه پژواک خبري اژانس ته وويل ، چې په دغه ولايت کې ۲۸۰ زره کسانو د رايې اچونې بهير کې برخه اخيستې وه.
نوموړی زياته کړه، چې د لومړی پړوا په پرتله ۸۰ زرو زياتو کسانو په دويم پړوا ټاکنو کې ګډون کړى وو .
پيغام وايي چې د دغه ولايت له ټولو ولسواليو څخه د رايې اچونې صندوقونه راټول شوي او د زيات شمېر مرکزونو رايې هم شمېرل شوې دي .

ميدانښار (پژواک ۲۴ غبرګولی ۹۳): د ميدان وردګو ولايت د ټاکنو خپلواک کمېسيون چارواکي وايي، چې د دغه ولايت په مرکز او ټولو ولسواليو کې د رايې ورکولو ټول مرکزونه پرانيستي وو.