Lowgar

 
پل علم (پژواک ٦ تله ٩٢): د لوګر چارواکي وايي، چې وسله والو طالبانو تېره شپه د ولايت د مرکز اړوند سيمه کې د واده پر يوه کور بريد کړى دى.
د والي وياند دين محمد دروېش د تلې په ٦مه پژواک خبري اژانس ته وويل، چې دا پېښه پرون تر ماښام وروسته د ولايت د مرکز پل علم ښار د دويمې حوزې اړوند د اوني سفلى په سيمه کې رامنځته شوې ده.
هغه زياته کړه، چې په دې سيمه کې د واده په مراسمو کې د ملي اردو يوه صاحب منصب هم ګډون کړى و او وسله والو طالبانو غوښتل  چې هغه وتښتوي.

 
پل علم ( پژواک ٢٩ زمرى ٩٢) : د لوګر په ځانمرګي بريدکې درې ملکي وګړي او دوه سيمه ييز پوليس وژل شوي او  د دې ولايت د سيمه ييزو پوليسو د قوماندان په ګډون ٨ تنه ټپيان دي .
دا څرګندونې د لوګر د جنايي جرمونو پر وړاندې د مبارزې مدير سمونوال محمدجان عابد پژواک خبري اژانس ته وکړې.
سرچينه زياتوي ،چې دغه ځانمرګى بريد د يو پلي تن لخوا نن ( له غرمې وروسته په شاخوا ٥ بجو ) د امنيه قوماندانۍ د زړې ودانۍ  مخې ته تر سره شو او موخه يې د لوګر د سيمه ييزو پوليسو قوماندان سبزعلي و.
د هغه د معلوماتو له مخې، په ټپيانو کې سبز علي ، دوه نور سيمه ييز پوليس او پنځه ملکي وګړي شامل دي.

 
ل علم (پژواک ١٢ زمرى ٩٢): د لوګر چارواکي وايي، چې د سيمرغ د عملياتو په ترڅ کې د ازرې ولسوالۍ تړلې ټولې لارې خوندي او پرانيستل شوې دي.
د يادې ولسوالۍ لارې له تېرو پنځو مياشتو وسله والو طالبانو تړلې وې، خلک يې د خوراکي توکو له کموالي سره مخ او له امله يې د پنځو ماشومانو په ګډون اوه تنه مړه شول.
ارسلا جمال، چې نن (د زمرى ١٢مه) يې محمد اغې ولسوالۍ ته د سفر پر مهال له خبريالانو سره خبرې کولې وويل، چې امنيتي ځواکونو په ازره کې خپل هدف ترلاسه کړى دى.