پل علم (پژواک ١٨غبرګولى ٩٢) : د لوګر ولايت يو شمېر اوسېدونکي ورځ تر بلې د ناامينو زياتېدل، اداري فساد او د بيارغونې کارونه له خنډ او ځنډ سره مخ کېدل، ترټولو سترې ستونزې بولي او له دولت څخه يې د حل غوښتنه کوي .
حاجي داوود مېلمه د پادخواب اوسېدونکی او د پرمختيايي شورا رييس وايي، چې په دې ولايت کې امنيتي ستونزې د خلکو ژوند ګواښي او د ورځې په تېريدو سره زياتېږي ، نو دولت بايد دغې ستونزې ته تر ټولو جدي پاملرنه وکړي.
د ده په وينا، په لوګر کې نا امني زياته شوې ،د بيارغونې هغه کارونه چې ورته اړتيا وه او بايد شوي وای د نا امنۍ له امله ونشول .
