کندوز (پژواک ١٣ سلواغه ٩٢): امنيتي چارواکي په کندوز ولايت کې د ٢٢ ټاکنيزو مرکزونو له لوړ امنيتي ګواښ څخه خبر ورکړى دى، خو وايي چې د دغو مرکزونو امنيت به د ټاکنو تر ترسره کېدو پورې ټينګ کړي.
د دغه ولايت د امنيه قوماندان، د ملي اردو د همغږۍ مرکز قوماندان او د ملي امنيت رياست مرستيال له خوا په نننۍ ګډه ناسته کې د يادو مرکزونو د امنيت د ټينګښت ډاډ ورکړل شو.
د کندوز امنيه قوماندان مل پاسوال مصطفى محسني وويل، چې په دغه ولايت کې د ولسمشرۍ او ولايتي شوراګانو ټاکنو د رايې ورکونې لپاره ټولټال ٢١٨ مرکزونه ټاکل شوي، چې ٢٢ مرکزونه يې تر لوړ امنيتي ګواښ لاندې دي.
06/11/2018
27/03/2014