Kunduz ټاکنیز خبرونه

کندوز ښار (پژواک، ٢٧ لړم ٩٨): د پژواک موندنې ښيي چې د کندوز ټاکنو کمېسيون ته څېرمه وژل شوى کس د ثبات او همپالنې ډلې ناظر نه، بلکې تنکى ځوان دى چې په هېڅ يوې ټاکنيزې ډلې پورې يې تړاو نه درلود.
د ټاکنو کمېسيون له لوري پرون يو ځل بيا ٢٨ ولايتونو کې د رايو بيا شمېرنه پيل شوه چې دغه پروسه د کندوز په ګډون په يو شمېر نورو ولايتونو کې د ډاکټر عبدالله عبدالله په مشرۍ د ثبات او همپالنې ټاکنيزې ډلې له غبرګون او مخالفت سره مخ شوه.

کندوز ښار (پژواک، ٢ تله ٩٨): د کندوز ډېری خلک وايي، که چېرې په دغه ولايت کې امنيت ټینګ نه شي، دوى نه شي کولاى په ټاکنو کې ګډون وګړي او د خپلې خوښې وړ نوماند ته رايه ورکړي.
په ورته وخت د دغه ولايت د ټاکنو کمېسيون چارواکي هم وايي چې ٣٠ ټاکنيز مرکزونه يې له لوړ امنيتي ګواښ سره مخ دي.
خو بل لور ته د دغه ولايت امنيتي مسوولين بيا وايي چې د ټاکنو د امنيت د ټينګښت لپاره يې بشپړ چمتووالى نيولى دى.

کندوز (پژواک، ٣ سلواغه ٩٧): د کندوز يو شمېر معترضو نوماندانو وروسته له هغه د اعتراض خېمه ټوله کړه چې په دغه ولايت کې د يو شمېر محلونو د رايو شمېرنه له سره پيل شوه.

شهر کندوز (پژواک، ٢٤ مرغومى ٩٧): په کندوز کې يو شمېر معترضو نوماندانو او سلګونو پلويانو يې د يوه لاريون په ترڅ کې د ټاکنو په پروسه کې پر روڼتيا ټينګار وکړ او ويې ويل که يې غوښتنه ونه منل شي، د کندوز ولايت ټولې عمومې لارې به وتړي.

کندوز (پژواک، ١٨ مرغومى ٩٧ ): د کندوز ولايتي شورا او مدني ټولنې غړي وايي چې که په دغه ولايت کې د وسله والو مخالفينو پر وړاندې پراخ عمليات ترسره نه شي، د ولسمشرۍ راتلونکې ټاکنې به له ګڼو ستونزو سره مخ وي.
ټاکل شوې ده چې د ولسمشرۍ ټاکنې د راتلونکي کال د چنګاښ مياشتې په ٢٩مه ترسره شي.
د کندوز د مدني ټولنو رييس عنايت الله خليق د مرغومي په ١٨مه پژواک خبري اژانس ته وويل چې په دې وروستيو کې په دغه ولايت کې د نا امنۍ کچه ډېره لوړه شوې ده.
هغه وايي: ((هره ورځ وسله وال مخالفين سيمې نيسي، بېخي د کندوز ښار کمربندونو ته رسېدلي دي، خلک سخت په اندېښنه کې دي.))

کندوز ښار (پژواک، ٢٦ لړم ٩٧): په کندوز کې يو شمېر معترضو نوماندانو د دغه ولايت د ټاکنو کمېسيون دروازه تړلې او ويلي یې دي، تر هغه يې چې غوښتنې نه وي منل شوې، دغه دروازه به تړلې وي.

کندوز ښار (پژواک، ٥ لړم ٩٧): د کندوز د ټاکنو کمېسيون چارواکي وايي چې د دغه ولايت د راجستر شوو رايه ورکوونکو له ډلې يواځې شل سلنه کسانو د رايې ورکولو په پروسه کې ګډون کړى دى.

ندوز ښار (پژواک، ٢٨ تله ٩٧): د کندوز ښار په ځینو سيمو کې د هاوان مرميو لګېدو له امله دوه کسان وژل شوي او ٣٨ نور ټپيان دي.
د کندوز د حوزوي روغتون مشرې مرضيې يفتلي د تلې په ٢٨مه پژواک خبري اژانس ته وويل چې تر اوسه دغه روغتون ته د ښځو او ماشومانو په ګډون ٣٨ تنه ټپيان او دوه جسدونه انتقال شوي دي.
دې وويل چې په ټپيانو کې ١١ سرتېري او په وژل شوو کې هم يو يې سرتېرى دي.
د يفتلي د معلوماتو له مخې، دغه ټول کسان د هاوان مرميو د لګېدو له امله ټپيان شوي دي.

کندوز(پژواک،٢٣تله٩٧): د کندوز له ٢٢٠ ټاکنيزو مرکزونو څخه يواځې په ٩٨ کې يې نوم ليکنه شوې چې له دې ډلې بيا ٣٠ مرکزونه يې له امنيتي ګواښ سره مخ دي.
د کندوز د ټاکنو کمېسيون رييس رسول عمر د تلې په ٢٣مه پژواک خبري اژانس ته وويل چې په دې ولايت کې د نا امنيو له امله د ټاکنو په ١٢٢ مرکزونو کې نوم ليکنه نه ده شوې.
هغه زياته کړه:((په دې ولايت کې ټول ٢٢٠ مرکزونه دي چې له دې شميرې يواځې په ٩٨ مرکزونو کې نوم ليکنه شوې ده.))
د عمر د معلوماتو له مخې، له دې ٩٨ مرکزونو څخه ١٨ له متوسط او ١٢ نور يې بيا له لوړ امنيتي ګواښ سره مخ دي.

کندوز (پژواک، ١٢ لړم ٩٤): د کندوز ولايتي شورا او ښاريان اندېښنه لري چې وسله وال مخالفين لا هم د ښار شاوخوا سيمو کې فعاليت لري او دولت بايد د دوى دا اندېښنې لري کړي.
طالبانو د روان کال د تلې په شپږمه کندوز ښار ونيو او امنيتي ځواکونو له دريو ورځو وروسته په تدريجي ډول بېرته پر ښار واکمن شول.
د کندوز ولايتي شورا مرستيال امر الدين ولي وايي چې طالبان د کندوز ښار په شاوخوا سيمو کې فعاليت لري او وضعيت د خلکو د اندېښنې سبب کېږي.