Education Special Reports

کندوز (پژواک ١٢وږى ٩٢) : د کندوز ولايت د پوهنې رياست چارواکي وايي ،چې په دغه ولايت کې د ښوونځيو د ودانيو نه شتون او د مسلکي ښوونکو کمښت هغه ستونزې دي چې لاهم موجودې دي.
دوى وايي ، چې په کندوز ولايت کې شپږ کاله وړاندې شاوخوا ٣٠٠ ښوونځي فعاله وو، مګر اوس يې شمير ٤٧٣ بابو ته رسيدلى، چې ٢٥٠ بابه يې ودانۍ نه لري.
د کندوز ولايت د پوهنې رييس محمد ظاهر نظم پژواک خبري اژانس ته وويل چې له يادو ښوونځيو څخه ٣١٠ بابه يې لېسې او پاتې نورې يې متوسطې او ابتدايه ښوونځي دي.