Kunduz

کندوز (پژواک ٢٨ کب ٩٢): د ولسمشرۍ کانديد اشرف غني احمدزي، نن په کندوز کې ژمنه وکړه، چې دغه ولايت به د نړيوال ټرانزيټ برخه وګرځوي او د شېرخان پر سوداګريز بندر به پانګونه وکړي او دغه راز به له دغې لارې د اورګاډي پټلۍ جوړه کړي.
 احمدزي، نن له خپل لومړي مرستيال جنرال عبدالرشيد دوستم سره يو ځاى د کندوز ښار په ابدان دښته کې د لسګونه زره کسانو غونډې ته وويل، چې کندوز د هېواد په شمال کې له ټرانزيټي او سرحدي ولايتونو څخه شمېرل کېږي، چې د منځنۍ اسيا ځينې هېوادونه د شېرخان بندر له لارې له افغانستان سره نښلول کېږي.