Kunduz

کندوز (پژواک ٢٥ غبرګولى ٩٣): کندوز کې د ټاکنو خپلواک کمېسيون وايي، چې په دويم پړاو (د غبرګولي ٢٤ مه) په ټاکنو کې د دغه ولايت په يو شمېر ولسواليو کې د دواړو نوماندانو په ګټه درغلۍ شوې دي.
د کندوز په کچه د رايې ورکونې ٢١٦ مرکزونه دي چې ١٧ يې د امنيتي ستونزو له امله تړلي وو او خلکو په ١٩٩ نورو مرکزونو کې رايه ورکړه.
د کندوز د ټاکنو کمېسيون مشر امير حمزه احمدزى وايي، چې له علي اباد، خان اباد، امام صاحب ولسواليو او له مرکز څخه د را رسېدلو راپورونو له مخې، د دواړو نوماندانو (ډاکټر اشرف غني او عبدالله) په ګټه درغلۍ شوې دي.