کابل (پژواک، ٢١ لړم ٩٨): د اروپايي اتحاديې د بهرنيو چارو وزيران د افغان ولسمشرۍ ټاکنو د پايلو د ژر اعلان او د ټولو اړخونو له خوا يې د منلو غوښتنه کړې ده.
دغه څرګندونې د اروپايي اتحاديې د بهرنيو اړيکو کمېسيون مشرې فيډريکا موګيريني پرون د بلجيم په پلازمېنه بروکسل کې د دې اتحاديې د بهرنيو شورا له غونډې وروسته په يوه خبري غونډه کې وکړې.
په دې غونډه کې د اروپايي اتحاديې اړوند هېوادونو د بهرنيو چارو وزيرانو هم ګډون کړی و.