Lowgar

وروستي خبرونه

Languages

د لوګر د ولسي جرګې ټاکنو وروستۍ پايلې اعلان شوې

By: هدايت الله همدرد , Date:14/04/2019

کابل (پژواک، ۲۵ ورى ٩٨): د ټاکنو خپلواک کمېسيون د لوګر د ولسي جرګې وروستۍ پايلې اعلان کړې. د ټاکنو خپلواک کمېسيون د اعلان له مخې، محمد خالد مومند، شاه پور خان حسين زى، انجنیر محمد اصف نبي زى او هما احمدي توان... پاتی برخه

معترضو نوماندانو د لوګر د ټاکنو کمېسیون دروازه وتړله

By: عبدالمقصود عزيزى , Date:25/12/2018

پل علم (پژواک، ٤ مرغومی ٩٧ ): له لوګره ولسي جرګې ته ګڼ شمېر معترضو نوماندانو په دغه ولایت کې د ټاکنو کمېسیون دروازه وتړله او ويل یې، څو يې چې غوښتنې نه وي منل شوې، دروازه به همداسې تړلې وي. د معترضو نومان... پاتی برخه

ویډیویی خبرونه

Voting in Logarpolls off to peaceful start

Voting in Logarpolls off to peaceful...

پل علم (پژواک، ٨ لړم ۹۷): د لوګر د ټاکنو کمېسيون چارواکي وايي چې د ولسي جرګې د ټاکنو پر ورځ د کمېسيون د قراردادي کارکوونکو، ناظرينو او امنيتي مسوولينو له لوري د مشخصو نوماندانو لپاره صندوقونه ډک شوي دي.
دغه څرګندونې د لوګر د ټاکنو کميسيون مشر عبدالرحمن محبت د لړم په اتمه پژواک خبري اژانس ته وکړې.
هغه وويل چې د ولسي جرګې يو شمير نوماندان د دوى په چارو کې اوس هم لاسوهنه کوي او هڅې کوي چې خپلې ناپاکې رايې پر دوى پاکې کړي.

پل علم (پژواک، ٢٨ تله ٩٧): لوګر کې درېيو مرکزونو ته تر اوسه ټاکنيز توکي نه دي رسېدلي، لسو نورو مرکزونو ته که څه هم توکي رسېدلي، خو خلکو مراجعه نه ده کړې.
د لوګر د ټاکنو کمېسيون رييس عبدالرحمن محبت د تلې په ٢٨مه پژواک خبري اژانس ته وويل چې د ځينو ستونزو له امله تر اوسه د بره کي برک ولسوالۍ د بره کي راجان، د څرخ ولسوالۍ د مولانا يعقوب او د خوښۍ ولسوالۍ دوبندي سيمې ټاکنيزو مرکزونو ته ټاکنيز توکي نه دي رسېدلي.
ده زياته کړه، د امنيتي ستونزو له امله د دغه ولايت د بېلابېلو سيمو لسو ټاکنيزو مرکزونو ته بيا خلکو تر اوسه مراجعه نه ده کړې.

پل علم (پژواک، ٢٤ تله ٩٧): د لوګر د ټاکنو کمېسيون چارواکي وايي چې په دغه ولايت کې د امنيتي ستونزو له امله له ٨٢ مرکزونو ٤٨ يې د رايه ورکوونکو پر مخ تړل شوي دي.
دغه څرګندونې د لوګر د ټاکنو کمېسيون رييس عبدالرحمن محبت د تلې په ٢٤مه پژواک خبري اژانس ته وکړې.
ده وويل چې په دغه ولايت کې بايد د ټاکنو ٨٢ مرکزونه فعال شوي واى خو د نا امنیو له مله دغه شمېره ٣٤ ته را ټيټه شوې ده.
د نوموړي د معلوماتو له مخې، د دې ٣٤ مرکزونو له ډلې ١٠ يې له منځني او اته نور بيا له لوړ امنيتي ګواښ سره مخ دي.

پل علم (پژواک،٢٣تله ٩٧): لوګر کې ناپېژانده کسانو د ولسي جرګې د يوه نوماند خطاب دراني د کمپاين دفتر ته اور اچولى دى.
د لوګر د محمد اغې ولسوال نورمحمد عبيدي د تلې په ٢٣مه پژواک خبري اژانس ته وويل چې تېره شپه نامعلومو کسانو د پل کندهاريو په سيمه کې د ولسي جرګې د نوماند خطاب دراني د کمپاين دفتر ته اور اچولى دى.
هغه وايي چې د دې پېښې په تور تر اوسه څوک نه دي نيول شوي، خو په اړه يې پلټنې روانې دي.
د پل کندهاريو د بازار يو تن هټيوال سميع الله پژواک ته وويل: ((سهار چې موږ راغلو ګورو چې د دراني صاحب د کمپاين دفتر ته اور اچول شوى دى.))

پل علم (پژواک، ۱۴ تله ۹۴): د لوګر د ولايتي شورا ځيني غړي وايي چې د کانونو وزارت په غير قانوني ډول يوه خصوصي شرکت ته د محمداغې ولسوالۍ د کرومايټ قيمتي ډبرو د استخراج اجازه ورکړې ده.
د کرومايټ ډبرې په عمومي ډول په فولادو او وسپنې کې کارېږي او د مرميو په جورښټ سربېره په زرهي موټرو او د مرمۍ ضد واسکټونو په جوړلو کې ترې هم کار اخيستل کېږي.
د لوګر د ولايتي شورا منشي محمد ناصرغيرت د وږي ١٤مه پژواک خبري اژانس ته وويل چې د کانونو وزارت چارواکو په غیر قانوني ډول د "میټایل ماینینګ یوکي" په نوم خصوصي شرکت ته د محمداغی ولسوالی د کرومایو قيمتي ډبرو د استخراج اجازه ورکړې ده.

Illegal extraction of Logar chromites goes on

"په لوګر کې لا هم د کرومايټو غير قانوني استخراج کېږي"

پل علم ( پژواک،۹تله ۹۴): د لوګر ولايتي شورا وايي چې د دوه کلونو په تېرېدو سره سيمه ييز چارواکي په دې نه دي توانيدلي چې د صنعتي ښارګوټي د جوړونې په موخه ځمکه د ايسا ادارې په واک کې ورکړي.
د لوګر د ولايتي شورا مشر حسيب الله ستانکزي د تلې په ٩مه پژواک خبري اژانس ته وويل چې دوه کاله وړاندې له پانګونې د ملاتړ ادارې(ايسا) او د ولايت د سيمه ييزو چارواکو ترمنځ پرېکړه وشوه چې د صنعتي ښارګوټي د جوړونې لپاره ٥ سوه جريبه ځمکه په محمد اغې ولسوالۍ کې ايسا ته ورکړل شي.
خو ستانکزى وايي چې تر اوسه ياده ځمکه له پانګونې د ملاتړ ادارې ته نه ده ورکړل شوې چې صنعتي ښارګوټي په کې جوړ کړي.