Kabul

کابل (پژواک ١٩ ورى ٩٢): ولسي جرګې د کونړ په هوايي بريد کې د ملکي وګړو وژنه په کلکه وغندله او د دې پېښې د څېړلو او عاملينو ته يې د محاکمې غوښتنه وکړه.
د سيمه ييزو چارواکو په وينا، دوه ورځې وړاندې د شيګل ولسوالۍ په شلتن دره کې د ايساف ځواکونو په هوايي بريد کې ١١ ماشومان، چې عمرونه يې له ٧ کلونو ټيټ وو، ووژل شول او شپږ ښځې په کې ټپيانې شوې.
خو د ولسي جرګې ځينو غړو نن د جرګې په عمومي ناسته کې د يادې پېښې عاملين په کلکه وغندل او د هغوى د محاکمه کېدو غوښتونکي شول.

کابل(پژواک ١٧ورى٩٢) :د ولسي جرګې ځينې غړي پرته له دې ، چې د چا نوم واخلي ، وايي چې د وزيرانو د استيضاح په موضوع کې د جرګې ځينو غړو پيسې اخيستې او ځينو يې ګوندي او سمتي اړيکې پاللې دي.
دوى دغه څرګندونې وروسته له  هغه کوي ، چې تېر کال د مرغومي په لومړيو کې ولسي جرګې د ملي دفاع، کورنيو چارو، سوداګرۍ، اقتصاد، اوبو او برېښنا، پوهنې، ښاري پراختيا، کانونو، لوړو زده کړو، له نشه يي توکو سره د مبارزې او اطلاعاتو او فرهنګ وزارتونو د وزيرانو د استيضاح پرېکړه وکړه ، خو  د ولسي جرګې په تېرو درېيو غونډ، کې يادو ټولو وزيرانو وکولاى شول ، چې د جرګې له استيضاح بريالي را ووځي.