په افغانستان يواځې رشوت فساد نه دى، اداري، سياسي او مالي فساد غټې ستونزې دي.لومړى ګام به مو په حکومت کې د ساختاري فساد له منځه وړل وي. موږ انشاالله د قانون حاکميتخوندي کوو، چې دا چاره تر ډېره د فساد مخه نيولى شي. زموږ کابينه به هم انشاءالله چې يوه متقي، با تجربه او د افغانستان د خلکو ګټو ته ژمنه کابينه وي. دا کابينه به په فساد کې ښکېله نه وي او د فساد پر ضد به کلکه مبارزه کوي.که خداى ته منظوره وهخپله به هم شخصاً له فساد سره مبارزه په نظر کې نيسم او البته چې د افغانستان د خلکو مرسته به را جلبوم. هو! زموږ په پروګرامونو کې کار اهلکار ته سپارل يو اصل دى، موږ کوښښ کوو او پرېکنده اداره لرو، چې کار اهل کار ته وسپارو.موږ د ځوانانو، ښځو، روڼ اندو، پوهانو، استادانو، ښوونکو، ديپلوماتانو، اهل خبرهاو نورو ته په بېلابېلو برخو کې فرهنګي او ټولنيز پروګرامونه لرو. له شک پرته چې موږ به له خلکو سره دهغو کسانو په ټاکنه کې چېد دوى برخليک اوورځيني کارونه ورسره تړلي مشوره کوو.کوم حکومت چې موږ يې جوړوو له يوه مامور څخه تر وزيره پورې به ټول ملي ګټو ته ژمن با تجربه، کارپوه او خدمتګاران وي. زموږ کوښښ دا دى، چې عامه اداره ځواب ورکولو، مسووليت منلو او خدمت کولو ته چمتو کړو. همدرانګه هيله لرو، چې دادارې په اصلاح سره ځوان کدرونه د زيات مسووليت منلو ته جلب کړو او په عامه اداره او کاري مهارتونو لوړولو کې روزنې ورکړو. زموږ اداره داده، چې واګې هغو بچيانو ته ورکړي، چې د وطن لپاره په پاک روح خدمت کوي او ملي ګټې پر شخصي ګټو اوچتې ګني. موږ ملي ګټو ته دوفادارې، خدمتګارې او عامه ادارې د رامنځته کولو او پرمختګ غوښتونکي يو.