نه شو کولى، چې اقتصادي پاليسي په دې محدوده کې بيان کړو. موږ د کرنې، مالدارۍ، بڼوالۍ، صنعت، ترانسپورټ، سياحت، کورنۍ ، سيمه ييزې، نړيوالې سوداګرۍ، درنو او سپکو صنايعو، کارموندنې، کور جوړونې او د کورنيو توليداتو هڅونې لپاره پروګرامونه او عملي تګلارې طرحه کړې دي. ددې پروګرامونو د پلي کولو موخه داده، چې بېوزلي ښکته شي، په دولت کې کاري فرصتونه په عادلانه ډول ووېشل شي، ددې ترڅنګ له خصوصي تشبثاتو څارنه، د صادراتو او وارداتو د تدريجي متوازن کولو لپاره د مناسبې قانوني او حقوقي زمينې ايجادول او لږ تر لږه دکورنيو صادراتو د کچې لوړول هم ددې پروګرامونو په موخو کې راځي.موږ باور لرو، چې د ګمرکاتو د اصولو او مالي سيستم په اصلاح، د مالي فساد سره په مبارزې، د اقتصادي بيخ بېناوو جوړولو په ځانګړي ډول د کرنې، صنايعو ، حمل او نقل او همدارنګه د کورنيو توليد په پياوړتيا کې له نړيوالو مرستو څخه اغېزناکه استفاده، د کاري فرصتونو را منځته کول او د سيمه ييزو اقتصادي سياليو لپاره کار کولى شي، چې موږ په هېواد کې د بېوزلۍ په کمښت او دهېواد اقتصادي ستنو په پياوړتيا کې بريالي کړي. افغانستان د اوږد مهال لپاره نړيوالو مرستو ته اړتيا لري. زموږ هڅې په دې متمرکزې دي، چې نړيوالې مرستې په کرنيزو ، توليدي، ترانسپورټي او مسلکي روزنې ته ځانګړې شي، څو له دې لارې د محصولات د توليد کچه خلاصه او اوچته شي.