Balkh

مزار شريف ( پژواک، ١٩ غويى ٩٤ ) : د بلخ سرپرست والي عطا محمد نور مرکزي حکومت د شمال  امنيت ته په نه پاملرنې تورن   او ګواښ يې وکړ  چې که حالات همداسې روان وي نو دى به په شمال کې ولسي خوځښتونه رامنځته کړي.
عطاء محمد نور دغه څرګندونې د غويي په ١٩مه، په مزار شريف کې د روسيې د کونسلګرۍ له خوا په دويم نړيوال جنګ کې ددغه هېواد د برياليتوب د جشن د نمانځلو په  جوړو شوو مراسمو وکړې.
هغه په خپلو خبرو کې له امريکا سره پر شوي امنيتي تړون ( بي اېس اې) نيوکه وکړه او ويې ويل چې دغه تړون افغانستان ته هېـڅ ګټه نه ده کړې.

مزار شريف ( پژواک، ١٦ ورى ٩٤ ) : د سعودي عربستان د بادشاه د ځانګړي استازي په مشرۍ يوه پلاوي د بلخ سرپرست والي عطاء محمد نور سره ليدلي دي.
د بلخ د والي وياند منير فرهاد د وري په ١٦مه، پژواک خبري اژانس ته وويل چې دا ليدنه پرون تر غرمې وروسته په مزار شريف کې شوې ده.
سرچينې زياته کړې، چې په دې پلاوي کې د سعودي عربستان د بادشاه خادم الحرمين الشريفين شاه سلطان ځانګړى استازى استاد خالد او ددغه هېواد د کار وزارت سلاکار شيخ سعود الطنين په مشرۍ د جمعيت اسلامي اجراييه رييس او د بلخ سرپرست والي عطاء محمد نور سره وليدل.