ګردېز (پژواک، ٢٠ تله ٩٧): په ګردېز کې د ولسي جرګې د کانديد ډاکتر يار باز حميدي پر دفتر وسله وال بريد شوى دى.
يار باز حميدي پژواک خبري اژانس ته وويل چې بريد شاوخوا يوه بجه په بلندمنزلو ښارګوټي کې د ده پر دفتر شوى دى.
ده زياته کړه، په دې پېښه کې د دفتر دوه ساتونکى ټپيان شوي چې د يوه ټپونه ډېر دي.
د پکتيا امنيه قوماندان مل پاسوال رازمحمد مندوزى وايي، د بريد په تړاو يې څېړنې پيل کړې او له بشپړېدو وروسته به يې له رسنيو سره شريکې کړې.
د دغه بريد مسووليت چا پر غاړه نه دى اخيستى.
