Uruzgan

 
ترینکوټ ( پژواک ۳۱ چنګاښ ۹۲ ) : داروزګان ولایت په دوو چاودنو کې د اتو ملکي وګړو په ګډون ۲۰ تنو ته مرګ ژوبله اوښتې ده. 
دا چاودنې نن ناوخته ددې ولایت په مرکز ترینکوټ ښار او خاص اروزګان ولسوالیو کې شوې دي.
ددې ولایت  دامنیه قوماندانۍ دامنیت امر سمونوال محمد سلیم  د چنګاښ په ۳۱مه، پژواک خبري اژانس ته وویل چې دا چاودنه نن مازیګر په شاوخوا پنځه نیمو بجو د ترینکوټ ښار په مرکزي برخه کې وشوه.
هغه زیاته کړه، چې چاودیدونکي توکي  په یوه بایسکل کې ځای پر ځای او یوه درملتون مخې ته یې درولی و.

 
ترينکوټ ( پژواک ٢٩ چنګاښ ٩٢ ) : د اروزګان په مرکز ترينکوټ ښار کې د يوه پول له جوړېدو سره درې ولسوالۍ له مرکز سره ونښلول شوې.
دغه پول چې د ترينکوټ ښار د سرخوم په سيمه کې جوړ شوى ، د پرانېستلو په مراسمو کې يې والي امير محمد اخوندزاده، نورو چارواکو او د سيمې اوسېدونکو برخه اخيستې وه.
والي پژواک اژانس ته وويل ، چې ددې پول له جوړېدو سره دهراوود، چارچينو او سراب ولسوالۍ له مرکز ترينکوټ ښار سره ونښلول شوې.
هغه زياته کړه ، چې د يادو ولسواليو اوسېدونکو پخوا په دې برخه کې ستونزې لرلې ، چې ددې پول له جوړېدو سره يې ډېرې ستونزې هوارې شوې.