ترينکوټ ( پژواک ٩ چنګاښ ٩٢ ) : که څه هم په دې وروستيو کې د اروزګان په بېلا بېلو سيمو کې سيمه ييز پوليس فعال شوي او امنيت ورسره لږ ښه شوى، خو ځايي اوسېدونکي سره له دې هم له نا امنيو شکايت کوي.
د دې ولايت د مرکز ترينکوټ ښار او يو شمېر ولسواليو اوسېدونکي له دولت څخه د کلکو امنيتي اقداماتو او د خپلسرو وسله والو د مهار کولو غوښتنې کوي.
د چارچينو ولسوالۍ يوتن اوسېدونکى حاجي ابراهيم وايي، چې د پخوا په پرتله يې په ولسوالۍ کې امنيت خراب شوى او هره ورځ ترې د نا امنيو خبرونه ورکول کېږي.
