Ghowr

 
چغچران (پژواک، ٢ وږى ٩٢): د غور ولايت  ځايي  چارواکي وايي، چې د طالبانو په خپلمنځي جګړه کې ٩طالبان او ناقانونه وسله وال  وژل شوي، لسګونه کورنۍ د جګړې له امله کډه شوي، خو طالبان د اوو اربکيانو د وژل کېدو خبر ورکوي.
د غور امنيه قوماندان سمونوال دلاورشاه دلاور، پژواک خبري آژانس ته وويل، چې دغه نښته د غير مسوولو وسله والو قوماندان فضل الاحد او طالبانو تر منځ د سيمه ييزو اختلافاتو په سبب د دولينه ولسوالۍ په سلمين سيمه کې رامنځته شوې ده.

 
چخچران (پژواک٢٣چنګاښ٩٢): په غور کې د مدني ټولنې فعالينو د يوه لاريون په ترڅ کې له حکومته وغوښتل، چې له امريکا سره دې د امنيتي تړون سند لاسليک کړي.
د غور په مرکز کې شاوخوا څلورسوه تنه ځوانان او د مدني ټولنې فعالين د ولايتي شورا مخې ته د لاريون په بڼه سره راټول شوي وو.  
لاريون کوونکو په خپل پرېکړه ليک کې  له افغان حکومت نه غوښتنه کوله، چې له امريکا سره دې د امنيتي تړون سند لاسليک کړي او دغه کار يې د افغانستان په ګټه باله.